CJI News

భారత ప్రధాని న్యాయమూర్తిగా జస్టిస్ రంజన్ గొగోయ్ నియమితులయ్యారు. ప్రస్తుత న్యాయమూర్తి దీపక్ మిశ్రా పదవీ కాలం గడుస్తున్నందున.. అక్టోబర్ 3 2018 తేది నుండి గొగోయ్ ఆయన స్థానంలో బాధ్యతలు స్వీకరించనున్నారు.

భారత సుప్రీంకోర్టు ప్రధాన న్యాయమూర్తి జస్టిస్‌ దీపక్‌ మిశ్రా అభిశంసనపై ఇచ్చిన నోటీసును రాజ్యసభ ఛైర్మన్, ఉపరాష్ట్రపతి వెంకయ్యనాయుడు తిరస్కరించడంపై ప్రధాన ప్రతిపక్షం కాంగ్రెస్ పార్టీ అసంతృప్తి వ్యక్తంచేసింది.

సుప్రీంకోర్టు ప్రధాన న్యాయమూర్తి (సీజేఐ)పై ప్రతిపక్షాలు ఇచ్చిన అభిశంసన తీర్మానం నోటీసును భారత ఉప రాష్ట్రపతి, రాజ్యసభ ఛైర్మన్ ఎం.వెంకయ్యనాయుడు తిరస్కరించారు. న్యాయ నిపుణుల సలహా తీసుకున్న వెంకయ్యనాయుడు నోటీసును తిరస్కరించారు. సీజేఐపై అభియోగాలు పేర్కొంటూ కాంగ్రెస్‌ సహా ఏడు ప్రతిపక్ష పార్టీలు అభిశంసన తీర్మానం నోటీసు ఇచ్చిన విషయం విదితమే.న్యాయ నిపుణుల సలహా మేరకే వెంకయ్య నాయుడు ఈ నిర్ణయం తీసుకున్నట్లు తెలుస్తోంది. అంతకు ముందు న్యాయ నిపుణులు, అటార్నీ జనరల్ కేకే వేణుగోపాల్, మాజీ లా ఆఫీసర్ కే పరసరన్ లతో ఉపరాష్ట్రపతి సమావేశం అయ్యారు.

సుప్రీంకోర్టు, హైకోర్టుల్లో ఏ కేసులను ఏ బెంచ్‌లకు అప్పగించాలనే విషయంపై కొత్త నిబంధనలను రూపొందించాలంటూ దాఖలైన పిల్‌ను విచారించేందుకు సుప్రీంకోర్టు తిరస్కరించింది.