ભારત-ઓસ્ટ્રેલિયા ન કરી શક્યા... અમેરિકાએ કરી બતાવ્યું, બોલરોએ બનાવ્યો 'મહારેકોર્ડ'

Unique Cricket Records: ODI ક્રિકેટના ઈતિહાસમાં ઘણી ટોપની ટીમો એક પછી એક અદ્ભુત રેકોર્ડ બનાવતી જોવા મળી છે. પરંતુ ભારત અને ઓસ્ટ્રેલિયા જેવી ટોપની ટીમો આ ફોર્મેટમાં જે નથી કરી શકી તે અમેરિકાના બોલરોએ કરી બતાવ્યું છે. નવજાત અમેરિકાએ સૌથી ઓછા ટોટલનો બચાવ કરીને મેચ જીતીને ઇતિહાસ રચ્યો હતો. અમેરિકા આ ​​સિદ્ધિ મેળવનારી પ્રથમ ટીમ બની છે. આ ટીમે ઓમાનના બેટ્સમેનોને 50 ઓવરના ફોર્મેટમાં રન માટે તરસાવી દીધા હતા.

ઓમાનના 65 રનમાં સુપડાસાફ
અમેરિકાએ ક્રિકેટ વિશ્વ લીગ ટુ મેચમાં મંગળવારે અહીં ઓમાનને 57 રને હરાવીને સંપૂર્ણ 50 ઓવરમાં ODI મેચમાં 122 રનના સૌથી ઓછા સ્કોરનો બચાવ કરવાનો રેકોર્ડ બનાવ્યો હતો. પુરૂષોની ODI મેચોમાં આ સૌથી ઓછો સ્કોર છે જેનો બચાવ કરવામાં આવ્યો છે. જો કે, આમાં ઓછી ઓવરોની મેચો અથવા સુધારેલા લક્ષ્યાંકો સાથેની મેચોનો સમાવેશ થતો નથી.

History books rewritten in Al-Amerat!

USA claim an ODI record in a stunning League 2 defence 👇 #OMAvUSAhttps://t.co/BJNF6rWEKG

— ICC (@ICC) February 18, 2025

ચાલ્યો ફિરકીનો જાદુ
અમેરિકાના સ્પિનની અનુકૂલ પરિસ્થિઓમાં ડાબા હાથના સ્પિનર ​​નોશતુષ કેનજિગે (11 રનમાં પાંચ વિકેટ)ની સ્પિનના જાદુને કારણે અમેરિકાએ યજમાન ઓમાનને માત્ર 65 રનમાં ઓલઆઉટ કરી દીધી હતી. કેનજિગે સિવાય ઓફ સ્પિનર ​​મિલિંદ કુમાર (17 રનમાં બે વિકેટ) અને યાસિર મોહમ્મદ (10 રનમાં બે વિકેટ)એ પણ બે-બે વિકેટ ઝડપી હતી.

ઓમાનનો સર્વોચ્ચ સ્કોર
પુરુષોની ODI ક્રિકેટમાં ઓમાનનો આ સૌથી ઓછો સ્કોર છે. આખી મેચ દરમિયાન ફાસ્ટ બોલરોએ એક પણ ઓવર ફેંકી ન હતી. ઓમાનની ટીમે પાંચ સ્પિનરોને મેદાનમાં ઉતાર્યા હતા, જ્યારે અમેરિકાએ સ્પિનરો કેનજિગે, મિલિંદ, યાસિર અને હરમીતને મેદાનમાં ઉતાર્યા હતા. આ પહેલા અમેરિકાના મિલિંદની 47 રનની ઇનિંગની મદદથી અમેરિકાએ 35.3 ઓવરમાં 122 રન બનાવ્યા હતા.