Child Death: അടപ്പ് തൊണ്ടയിൽ കുടുങ്ങി കുഞ്ഞിന് ദാരുണാന്ത്യം, മുലപ്പാൽകുടുങ്ങി ആദ്യകുട്ടിയും; കുട്ടികളുടെ മരണത്തിൽ ദുരൂഹതയെന്ന് പിതാവ്

Child Death: രണ്ടാഴ്ച്ച മുൻപ് ഓട്ടോറിക്ഷയിൽ നിന്ന് തെറിച്ച് വീണും കുട്ടിക്ക് അപകടം പറ്റിയിരുന്നു.

കോഴിക്കോട്: കുപ്പിയുടെ അടപ്പ് തൊണ്ടയിൽ കുടുങ്ങി എട്ടുമാസം പ്രായമുള്ള കുഞ്ഞ് മരിച്ച സംഭവത്തിൽ ദുരൂഹത. കുഞ്ഞിന്റെ മരണത്തിൽ അസ്വാഭാവികതയുണ്ടെന്ന് ചൂണ്ടിക്കാട്ടി പിതാവ് പൊക്കുന്ന് സ്വദേശി നിസാർ പരാതി നൽകി.

നിസാറിന്റെ മകൻ മുഹമ്മദ് ഇബാദ് ആണ് കഴിഞ്ഞ രാത്രി അടപ്പ് തൊണ്ടയിൽ കുടുങ്ങി മരിച്ചത്. കുട്ടിയെ കോട്ടപ്പറമ്പ് ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. രണ്ടാഴ്ച്ച മുൻപ് ഓട്ടോറിക്ഷയിൽ നിന്ന് തെറിച്ച് വീണും കുട്ടിക്ക് അപകടം പറ്റിയിരുന്നു. 

2023ൽ ഇവരുടെ ആദ്യ കുഞ്ഞ് തൊണ്ടയിൽ മുലപ്പാൽ കുടുങ്ങി മരിച്ചിരുന്നു. 14 മാസം പ്രായമുള്ളപ്പോഴായിരുന്നു ആദ്യ കുട്ടിയുടെ മരണം.രണ്ട് കുട്ടികളും മരിച്ചത് ഭാര്യവീട്ടിൽ വച്ചാണ്. ഇതോടെയാണ് ടൗൺ പൊലീസിൽ നിസാർ പരാതി നൽകിയത്. 

മുമ്പ് കുട്ടി ഓട്ടോറിക്ഷയിൽ നിന്ന് വീണപ്പോഴും ആശുപത്രിയിൽ എത്തിക്കാൻ വൈകിയെന്ന് പരാതിയിൽ പറയുന്നു. പൊലീസ് അസ്വഭാവിക മരണത്തിന് കേസെടുത്ത് അന്വേഷണം തുടങ്ങി.