एक्स गर्लफ्रेंड आलिया भट्टची सिद्धार्थ मल्होत्रासाठी भावुक पोस्ट म्हणाली, तु माझ्यासाठी...

मुंबई : अभिनेत्री आलिया भट्टने नुकताच सिद्धार्थ मल्होत्रा ​​आणि कियारा अडवाणीचा रिलीज झालेला 'शेरशाह' पाहिला. हा सिनेमा पाहिल्यानंतर ती सिद्धार्थची फॅन झाली आहे. आणि त्याची स्तुती करताना दिसत आहे. आलियाने तिच्या इन्स्टाग्राम अकाऊंटवर एक पोस्ट शेअर करत सिद्धार्थच्या कामाचं कौतुक केलं आहे. आणि तिने चित्रपटाच्या यशाबद्दल संपूर्ण टीमचं अभिनंदन केलं आहे.

आलियाने सिद्धार्थसाठी लिहिली खास पोस्ट
आलियाने तिचा एक्स-बॉयफ्रेंड सिद्धार्थसाठी तिच्या इन्स्टाग्राम स्टोरीवर एक पोस्ट शेअर केली आणि या पोस्टमध्ये लिहिलं की, जरूर पाहा! या चित्रपटाने मला हसवलं आणि रडवलं आणि सगळं काही. पुढे सिद्धार्थची स्तुती करत तिने लिहिलं की, @sidmalhotra तुम बहुत खास हो यार! ​​आणि @kiaraaliaadvani मेरी खूबसूरत, आप वास्तव में बस चमकते रहो संपूर्ण टीम आणि संपूर्ण कलाकारांचं अभिनंदन. एवढी सुंदर फिल्म.

सिद्धार्थ आणि कियाराचं केलं जात आहे कौतुक 
त्याचबरोबर अनेक दिवसांपासून त्यांच्या अफेअरमुळे चर्चेत असलेले सिद्धार्थ आणि कियारा यांनी चित्रपटात उत्तम काम केलं आहे. या चित्रपटासाठी प्रत्येकजण त्यांचं कौतुक करत आहे. त्यांचं काम आणि चित्रपटाची कथा सर्व प्रेक्षकांना आवडत आहे. दोघांनाही त्यांचे मित्र आणि चाहत्यांकडून खूप प्रशंसा मिळत आहे.

सिद्धार्थने स्वातंत्र्यदिनी एक भावनिक पोस्ट शेअर केली
त्याचबरोबर चित्रपटात कॅप्टन विक्रम बत्राची भूमिका साकारणाऱ्या सिद्धार्थने स्वातंत्र्य दिनानिमित्त एक पोस्ट शेअर केली आहे. ज्यात त्यांनी विक्रम बत्रा आणि इतर 'लष्करी नायकांना' श्रद्धांजली वाहिली आणि लिहिलं की, "कॅप्टन विक्रम बत्रा आणि दिल्लीतील इतर सगळ्या लष्करी हिरोंना माझा आदर. ज्या उबदारपणा आणि आपुलकीने तो युद्धाच्या वेळी आपल्या कुटुंबाला पत्र लिहितो. ही एक विलक्षण क्षमता असते.