तारा सिंगचा बॉक्स ऑफिसवर 'गदर', 250 कोटींचा आकडा पार; 'पठाण'ला देणार का टक्कर?

(Photo Credit : Social Media)

Gadar 2 Box Office Collection Day 6 : बॉलिवूड अभिनेता सनी देओलच्या 'गदर 2' या चित्रपटानं प्रेक्षकांना वेड लावलं आहे. चित्रपटाची क्रेझ प्रेक्षकांमध्ये पाहायला मिळत आहे. सनी देओलच्या चित्रपटानं 250 कोटींचा आकडा पार केला आहे. त्यामुळे आता अशी चर्चा सुरु आहे की 'गदर 2' हा लवकरच शाहरुख खानच्या 'पठाण' या चित्रपटाला कलेक्शनमध्ये मागे टाकणार आहे. चला तर जाणून घेऊया त्यात एक्सपर्ट यांचे काय मत आहे. 'गदर 2' हा चित्रपट सिक्वल असूनही जशा प्रकारे बॉक्स ऑफिसवर कमाई करत आहे त्याची अपेक्षा कोणालाही नव्हती. आता  'गदर 2' शाहरुखच्या 'पठाण' ला मागे टाकणार याची चर्चा सुरु आहे. चित्रपटाच्या कलेक्शन विषयी बोलायचे झाले तर 'गदर 2' पासून सुरुवात करूया...

रिपोर्ट्स नुसार, पहिल्या दिवशी चित्रपटानं 40.10 कोटींची कमाई केली. दुसऱ्या दिवशी हा आकडा वाढून 43.08 कोटी झाला. तिसऱ्या दिवशी हा आकडा आणखी वाढला अनं 51.70 कोटींचा गल्ला त्या दिवशी चित्रपटानं बॉक्स ऑफिसवर केला. चौथ्या दिवशी चित्रपटानं 38.70 कोटींची कमाई केली आहे. पाचव्या दिवशी चित्रपटाच्या कमाईत आणखी वाढ झाली आणि 55.50 कोटींचा गल्ला चित्रपटानं केला आहे. काल म्हणजे सहाव्या दिवशी चित्रपटाच्या कमाईत घट होऊन आकडा 33.50 कोटींचा झाला. चित्रपटानं एकंदरीत 262.48 कोटींची कमाई केली आहे. 

दुसरीकडे शाहरुख खानच्या पठाणविषयी बोलायचे झाले तर पहिल्या दिवशी चित्रपटानं 55 कोटींची कमाई केली आहे. दुसऱ्या दिवशी चित्रपटानं 68 कोटींचा आकडा पार केला आहे. तिसऱ्या दिवशी चित्रपटानं 38 कोटींची कमाई केली होती. चौथ्या दिवशी चित्रपटानं 51.50 कोटींची कमाई केली होती. पाचव्या दिवशी हा आकडा आणखी वाढला आणि 58.50 कोटी झाला. सहाव्या दिवशी हा आकडा थोडा कमी झाला आणि चित्रपटानं 25.50 कोटींची कमाई केली. सहा दिवसात पठाणनं बॉक्स ऑफिसवर 306.50 कोटींची कमाई झाली. हे पाहता 'पठाण'च्या तुलनेत 'गदर 2' कमाईच्या बाबतीत 15 टक्के मागे आहे. तर त्यामुळे चाहत्यांमध्येच एकच चर्चा सुरु आहे की 'गदर 2' 'पठाण'ला बॉक्स ऑफिस कलेक्शनमध्ये मागे टाकणार का? 

हेही वाचा : 'गदर 2' मध्ये अमरीश पुरी? हा सीन पाहून प्रेक्षक झाले थक्क

आज म्हणजे गुरुवारी चित्रपटानं 25 कोटींची कमाई केली तर चित्रपट 290 कोटींचा आकडा पार करु शकतो. पठाणनंतर सगळ्यात जास्त कमाई करणारा हा दुसरा चित्रपट आहे. यानंतर तिसऱ्या आठवड्यात या चित्रपटाला टक्कर देण्यासाठी फक्त 'ड्रीमगर्ल 2' येणार आहे.