संजय दत्तच्या नावावर महिला चाहतीनं केली 72 कोटींची संपत्ती; अभिनेत्याची एकूण नेटवर्थ माहितीये

(Photo Credit : Social Media)

Sanjay Dutt : अभिनेता संजय दत्त आता फक्त बॉलिवूडपूरता मर्यादीत राहिलेला नाही तर तो दाक्षिणात्य चित्रपटांमध्ये देखील स्वत: चं स्थान निर्माण करत आहे. त्यानं आजवर 135 पेक्षा जास्त चित्रपटांमध्ये काम केलं आहे. त्याच्या चाहत्यांची यादी तर भली मोठी आहे. एकेकाळी संजय दत्तच्या चाहत्यांमध्ये महिला चाहत्यांची संख्या जास्त होती. त्यावेळी त्याच्या एका चाहतीनं त्याच्या नावावर कोटींची संपत्ती केली होती. त्याची किंमत कळल्यानंतर स्वत: संजय दत्तला आश्चर्य झाले होते. 

खरंतर, 2018 मध्ये संजय दत्तला पोलिसांकडून एक फोन आला. त्यावेळी त्यांनी सांगितलं की त्याची एक चाहती निशा पाटीलविषयी बोलायचं आहे. तर कथितपणे निशानं निधन झाल्याच्या एका दिवसानंतर संजय दत्तला कॉल केला. तेव्हा पोलिसांनी संजय दत्तला सांगितलं की त्याच्या या महिला चाहतीनं त्याच्या नावावर 72 कोटींची संपत्ती केली आहे. कथितपणे, निशानं बॅंकेला अनेकदा पत्र लिहिले आणि अधिकाऱ्यांना सांगितलं की तिची संपूर्ण प्रॉपर्टी ही तिचा आवडता बॉलिवूड अभिनेत्याच्या अर्थात संजय दत्तच्या नावावर करायची आहे असं पत्रात लिहिलं होतं. हे ऐकल्यानंतर संजय दत्तला आश्चर्याचा मोठा धक्का बसला होता. 

View this post on Instagram

या सगळ्या प्रकरणानंतर संजय दत्तच्या वकिलांनी सांगितलं की 'तो 72 कोटींची ती संपत्ती स्वीकारू शकत नाही. कारण तो निशाला ओळखत नव्हता. संजय दत्तनं देखील हेच सांगितलं होतं. त्यानं सांगितलं की मी काही क्लेम करणार नाही. मी निशाला ओळखत नव्हतो आणि या संपूर्ण घटनेविषयी आता काही बोलू शकत नाही. महत्त्वाचं म्हणजे हे सगळं कळल्यानंतर मलाही धक्का बसला आहे.'

हेही वाचा : सलमान खानने जेलमध्ये घालवलेल्या दिवसांबद्दल केला खुलासा; 'तिथे मस्त झोपलो आणि आता 2 तास...'

संजय दत्तच्या एकूण संपत्तीविषयी बोलायचं झालं तर ती जवळपास 295 कोटींची आहे. तर एका चित्रपटासाठी तो जवळपास 8-15 कोटी घेतो. तर ZimAfro T10 आणि B-Love Kandy सारख्या क्रिकेट टीमचा तो सह-मालक आहे. त्याशिवाय, संजयचे दोन प्रोडक्शन हाउस होते. त्यानं स्नीकर मार्केटप्लेस पासून त्याच्या स्कॉच व्हिस्की ब्रॅंड The Glenwalk सोबत इतर स्टार्ट-अप्समध्ये गुंतवणूक केली आहे. त्याच्या संपत्तीविषयी बोलायचं झालं तर मुंबईत असलेल्या त्याच्या घराची किंमत ही 40 कोटींच्या आसपास आहे. त्यासोबत दुबईमध्ये एक आलिशान घर देखील आहे. इतकंच नाही तर कार कलेक्शनसोबक बाइकचं देखील खास कलेक्शन आहे.