VIDEO: ....अन् चेंडू थेट तोंडावर आदळला, न्यूझीलंडचा क्रिकेटर रचीन रवींद्र गंभीर जखमी, रक्तबंबाळ अवस्थेत सोडलं मैदान

Rachin Ravindra Gets Injured: न्यूझीलंडचा क्रिकेटर रचीन रवींद्र गंभीर जखमी झाला आहे. पाकिस्तानविरोधातील सामन्यात चेंडू थेट त्याच्या चेहऱ्यावर जाऊन आदळल्याने त्याला गंभीर इजा झाली आहे. 36 व्या षटकात पाकिस्तानच्या खुशदिल शाहने मायकेल ब्रेसवेलचा चेंडू स्लॉग स्वीप करण्याचा प्रयत्न केला आणि तो थेट रवींद्रकडे गेला. रवींद्रने झेल घेण्याचा प्रयत्न केला, पण त्याचा अंदाज चुकला. अंदाज चुकल्याने चेंडू थेट त्याच्या चेहऱ्यावर जाऊन आदळला. आघात इतका जोरात होता की, रचीन रवींद्रला रक्तबंबाळ अवस्थेत मैदान सोडावं लागलं. रक्त रोखण्यासाठी फिजिओने टॉवेलने त्याचा चेहरा झाकला होता. 

या सामन्यात, ग्लेन फिलिप्सने चॅम्पियन्स ट्रॉफीसाठी जणू रंगीत तालीमच केली आणि पहिले एकदिवसीय आंतरराष्ट्रीय शतक झळकावले. न्यूझीलंडने पाकिस्तानला 78 धावांनी पराभूत केलं. 

Get well soon, Rachin Ravindra 

- Scary scenes at Lahore for all cricket fans. pic.twitter.com/uERdaUuWHb

— Johns. (@CricCrazyJohns) February 8, 2025

नव्याने नूतनीकरण करण्यात आलेल्या गद्दाफी स्टेडियमवर फिलिप्सने 74 चेंडूत सहा चौकार आणि सात षटकारांसह नाबाद 106 धावा फटकावल्या. सहाव्या क्रमांकाच्या फलंदाजाने डॅरिल मिशेल (81) आणि केन विल्यमसन (58) यांच्या अर्धशतकांसह न्यूझीलंडने 50 षटकांत 6 बाद 330 अशी मजल मारली. 

पाकिस्तान संघाकडून आव्हानाचा पाठलाग करताना सात महिन्यांहून अधिक काळानंतर पहिला आंतरराष्ट्रीय सामना खेळणाऱ्या फखर झमानने 69 चेंडूत 84 धावा केल्या. परंतु आघाडीच्या इतर फळंदाजांना फिरकी गोलंदाजीविरुद्ध संघर्ष करावा लागला. पाकिस्तानचा संघ 47.5 षटकांत 252 धावांवर तंबूर परतला. 

2015 नंतर पहिल्यांदाच एकदिवसीय सामन्यात सलामीवीर म्हणून बाबरला त्याच्या नवीन भूमिकेत संघर्ष करावा लागला. त्याने 23 चेंडूत 10 धावा केल्या. न्यूझीलंडचा कर्णधार मिचेल सँटनर (41 चेंडूत 3) याने डावखुऱ्या फिरकी गोलंदाजीने टॉप ऑर्डरला बाद केलं. वेगवान गोलंदाज मॅट हेन्रीने 55  धावांत 3 बळी घेतले. दहाव्या क्रमांकाचा फलंदाज अबरार अहमदने नाबाद 25  धावा ठोकल्या ज्यामध्ये हेन्रीला सलग तीन चौकारांचा समावेश होता.