कपिल शर्माला टक्कर देण्यासाठी सुनील ग्रोव्हर घेऊन आला 'हा' नवा शो !

मुंबई : ऑस्ट्रेलियाहून परताना सुनील  ग्रोव्हर आणि कपिल शर्मा यांच्यामध्ये वाद रंगला. परिणामी या दोन्ही कलाकारांनी एकमेकांपासून दूर राहणं  पसंत केले. सुनीक ग्रोव्हरने या भांडणानंतर कपिल शर्माचा कॉमेडी शोदेखील सोडला. हळूहळू टीआरपीला लागलेली गळती आणि कपिलच्या आजरपणामुळे हा कार्यक्रम बंद करण्यात आला.  

कपिलचा नवा शो 

कपिल  शर्माचा नवा शो ' फॅमिली टाईम विथ कपिल शर्मा' हा कॉमेडी शो आहे. विनोद हा या कार्यक्रमाचा मुख्य भाग असला तरीही यंदा त्यामध्ये फॅमिलीदेखील सहभाग घेणार आहे. त्यामुळे कपिल शर्माचा नवा शो आणि हटके अंदाज याबद्दल त्याच्या चाहत्यांमध्ये उत्सुकता आहे. 25 मार्चपासून या शोला सुरूवात होणार आहे.  

सुनील ग्रोव्हर आणि शिल्पा शिंदे एकत्र येणार 

अभिनेता सुनील ग्रोव्हर आणि शिल्पा यांचे एकत्र काही फोटो सोशल मीडियामध्ये प्रसिद्ध झाले होते. त्यानंतर कपिल शर्माच्या नव्या शोला टक्कर देण्यासाठी सुनील ग्रोव्हर नवा कार्यक्रम घेऊन येणार आहे अशी चर्चा रंगली होती. आता ही केवळ अफवा नसून खरंच सुनील नव्या कार्यक्रमाचा भाग झाला आहे.  

सुनील ग्रोव्हरसोबत शिल्पा शिंदे  

सुनील ग्रोव्हर बिग बॉसच्या 11 व्या पर्वाची विजेती शिल्पा शिंदेसोबत नवा कार्यक्रम घेऊन येणार आहे.  Lil Frodo Productions निर्मित  एक  क्रिकेट कॉमेडी डिजिटल शो येणार आहे. यामध्ये शिल्पा शिंदेसोबत सुनील ग्रोव्हर झळकणार आहे. प्रीती सिमोन या कार्यक्रमाची निर्माती आहे. 

ट्विटरवर रंगले कोल्ड वॉर  

कपिल शर्माच्या नव्या कार्यक्रमाची घोषणा झाल्यानंतर सहाजिकच या कार्यक्रमामध्ये कोणाचा समावेश आहे ? याबद्दल चाहत्यांमध्ये उत्सुकता होती. मात्र कपिलकडून आमंत्रण आलेले नाही अशाप्रकारचे ट्विट पाहिल्यानंतर कपिल शर्माने अनेकदा फोन करूनही, माणसांना पाठवूनही तुझी भेट झाली नाही. विनाकारण अफवा पसरवू नका असे त्याने म्हटले आहे.