हिवाळ्याच्या शेवटी आरोग्याबाबत निष्काळजीपणा नको, अशी घ्या काळजी

हिवाळाच्या शेवटी संतुलित आहार, योग्य कपडे आणि एक चांगली दिनचर्या अंगीकारल्यास हंगामी आजार टाळता येऊ शकतात आणि तुम्ही निरोगी राहू शकता. बदलत्या ऋतूंमध्ये शरीराच्या प्रतिकारशक्तीवर मोठा प्रभाव पडतो, त्यामुळे हिवाळ्याचा शेवट आणि वसंत ऋतूच्या आगमनादरम्यान विशेष काळजी घेणं आवश्यक आहे.

1. गरम कपडे सोडू नका:  
फेब्रुवारी-मार्चमध्ये हवामान जरी गरम होऊ लागलं तरी, दिवसाच्या सुरुवातीला आणि रात्री थंडी असू शकते. थोडं उबदार कपडे घालणं महत्त्वाचं आहे, कारण या काळात सर्दी, खोकला आणि श्वसन संबंधित इन्फेक्शन होण्याची शक्यता वाढते. सकाळी आणि रात्री गरम कपड्यांचा वापर आणि हात पाय स्वच्छ ठेवणं आवश्यक आहे.

2. संतुलित आहार कायम ठेवा: 
हिवाळ्यात लोक सुका मेवा, तीळ, डिंकाचे लाडू, शंभर प्रकाराचे सूप आणि गरम मसालेदार पदार्थ खातात. या आहारामुळे शरीराला आवश्यक उष्णता मिळते, पण हवामान बदलताच काही लोक या आहारावर त्वरित ब्रेक घेतात. जर प्रतिकारशक्तीला घटक असलेले पोषण समाविष्ट करणे कमी झालं, तर हंगामी आजार होण्याची शक्यता असते. हिरव्या भाज्या, फळे, वेलची, मसाले, लसूण, अद्रक आणि हलके सूप हे तुमच्या आहारात असावं.  

3. थंड पदार्थ टाळा: 
वसंत ऋतू सुरू होत असताना, आपल्याला थंड पदार्थ, आइस्क्रीम, थंड पाणी आणि शीतपेय प्यायची इच्छा होतं असते. पण थंड पदार्थंमुळे श्वसनाच्या समस्यांसोबतच पचनाच्या समस्याही वाढू शकतात. सर्दी, गळ्यात जडपण आणि व्हायरल इन्फेक्शन होण्याचा धोका असतो. म्हणून शक्यतो कोमट किंवा साधं पाणी पिण्याची सवय घ्या.

4. सूर्यप्रकाशाचा पुरेसा वापर करा:
हिवाळ्यात सूर्यप्रकाशाची कमतरता असल्यामुळे शरीरात व्हिटॅमिन डी पातळी कमी होऊ शकते. व्हिटॅमिन डी हाडं, हृदय आणि रोगप्रतिकारशक्तीला बळकट करतो. हिवाळ्यात शरीराला योग्य प्रमाणात सूर्यप्रकाश मिळवणं महत्त्वाचं आहे. त्यामुळे, कमी किमान 15-30 मिनिटं दररोज उन्हात बसावे.

5. व्यायामाची सवय सोडू नका: 
हिवाळ्यात शरीर थोडं अधिक आळशी होऊ शकतं. पण व्यायाम न करणं किंवा मॉर्निंग वॉक सोडणं हा मोठा धोका ठरू शकतो. शारीरिक सक्रियता हे शरीराच्या इम्युनिटी सिस्टीमला मदत करते. वसंत ऋतूच्या आगमनादरम्यान थोडा वेळ व्यायामासाठी राखून ठेवा. योग, प्राणायाम, साधे वॉक, किंवा हलका जॉगिंग तुमच्या शरीराला जागृत ठेवू शकतो. 

6. हायड्रेशन:  
वसंत ऋतूच्या आगमनासोबत शरीराची हायड्रेशन आवश्यकता देखील बदलू शकते. हिवाळ्यात कमी पाणी पिणं हे सामान्य असतं, पण तापमान वाढल्यावर शरीराच्या जलसंचयाची आवश्यकता वाढते. यामुळे पाणी पिणं महत्त्वाचं ठरू शकतं. हायड्रेटेड राहण्यासाठी थोड्या थोड्या वेळाने पाणी प्यावे आणि आपल्या आहारात जास्तीचे फ्लुइड्स समाविष्ट करा.