'प्यार के दो नाम' या चित्रपटाचा टीझर रिलीज

मुंबई : बॉलीवूड चित्रपटांमध्ये वेगवेगळ्या नवं - नवीन कथांद्वारे प्रेमाची व्याख्या करण्यात येते. रिलायन्स एंटरटेनमेंटद्वारा प्रस्तुत आणि दानिश जावेदद्वारा दिग्दर्शित, "प्यार के दो नाम"  देखील आधुनिक काळातील लव्हस्टोरी आहे जी आजच्या नवीन पिढीसाठी प्रेमाची नवीन व्याख्या असेल. या चित्रपटाचा टीझर सोशल मीडियावर रिलीज करण्यात आला आहे. हा चित्रपट अलिगढ विद्यापीठाच्या कॅम्पसमध्ये चित्रित झालेला पहिला चित्रपट आहे.

हा चित्रपट 'एक दुजे के लिए' किंवा 'एकमेकांसोबत' या टॅग लाइनवर आधारित आहे. इश्क सुभानल्लाह सुफियाना, प्यार मेरा आणि सन्यासी मेरा नाम यांसारख्या रोमँटिक मालिका आणि चित्रपटांचे लेखक दानिश जावेद दिग्दर्शित "प्यार के दो नाम" ही एक आधुनिक प्रेमकथा आहे जी तरुणांमधील प्रेमाबद्दलची  विचारसरणी खूप भावनिक पद्धतीने मांडते.

चित्रपटाच्या टीझरची सुरुवात अलीगढ मुस्लिम विद्यापीठात आयोजित शांतता चर्चासत्राने होते, ज्यामध्ये आर्यन खन्ना नेल्सन मंडेला आणि कायरा सिंग (अंकिता साहू) महात्मा गांधींवरील त्यांचे संशोधन सादर करतात. आर्यन खन्ना म्हणतो की जे सौंदर्य डोळ्यांना आकर्षित करत नाही त्या सौंदर्याला मी सौंदर्य मानत नाही. टीझरच्या दुसऱ्या डायलॉगमध्ये आर्यन खन्ना रोमँटिक डायलॉगमध्ये म्हणतो, 'मंडेला जी ही ट्रॉफी जिंकेल, आणि मी ह्या मुलीचे हृदय . यावर कायरा सिंह ने अतिशय सरळ शब्दात सांगितले की, मी अनोळखी व्यक्तींशी बोलत नाही. दोन प्रमुख कलाकारांच्या गदारोळात, चित्रपटाचे शीर्षक गीत पार्श्वभूमीत ऐकू येते. शीर्षक गीतासह हा 1 मिनिट 10 सेकंदाचा टीझर एका ताज्या लव्हस्टोरीची अनुभूती देतो.

रिलायन्स एंटरटेनमेंट आणि जॉक्युलर एंटरटेनमेंट प्रायव्हेट लिमिटेडचा चित्रपट "प्यार के दो नाम"मध्ये भव्या सचदेवा, अंकिता साहू यांच्यासह कनिका गौतम, अचल टंकवाल, दीप्ती मिश्रा, नमिता लाल मुख्य भूमिकेत दिसणार आहेत. या चित्रपटाची निर्मिती विजय गोयल आणि दानिश जावेद यांनी केली असून सहनिर्माते शहाब अलाहाबादी आहेत. चित्रपटाचे लेखक आणि दिग्दर्शक दानिश जावेद आहेत. ह्या चित्रपटाची गाणी जावेद अली, रितू पाठक, राजा हसन आणि स्वाती शर्मा यांनी गायली आहेत.

अलिगढ मुस्लिम विद्यापीठाचे संस्थापक सर सय्यद अहमद खान यांच्या सन्मानार्थ "जागतिक शांतता नेता" निवडण्यासाठी चर्चासत्राच्या घोषणेने चित्रपटाची सुरुवात होते. सेमिनारमध्ये सहभागी होण्यासाठी कायरा सिंग आणि आर्यन खन्नाही आले आहेत. पहिल्या भेटीतच दोघांमध्ये कडवी झुंज सुरू होते, इथूनच दोन विचारसरणीचा संघर्ष सुरू होतो. प्रेम असेल तर आयुष्यभर एकत्र राहावं लागेल यावर कायरा ठाम आहे, तर आर्यनचा असा विश्वास आहे की जोपर्यंत प्रेम आहे तोपर्यंत आपण एकत्र राहू, एकदा प्रेम संपलं की दूर. आता "प्यार के दो नाम" पैकी कोण जिंकतो हे पाहणे उत्सुकतेचे ठरेल, "प्यार के दो नाम" 3 मे रोजी देशभरातील चित्रपटगृहांमध्ये प्रदर्शित होणार आहे.