Air India : ठरलं! या महिन्यात होणार एअर इंडियाचं खाजगीकरण, केंद्राने दिली माहिती

मुंबई : एअर इंडियाचे मे अखेरपर्यंत खाजगीकरण (Air India Privatisation) होणं जवळपास निश्चित झालेले आहे. नागरी हवाई उड्डाण मंत्री हरदीप सिंह पुरी यांनी आज ही माहिती दिली आहे. एअर इंडियाचा १०० टक्के हिस्सा विकला जाईल, असेही पुरी म्हणाले आहेत. 

एअर इंडिया इतकी डबघाईला गेली आहे की, एकतर ती बंद करणे किंवा विकणे याव्यतिरिक्त केंद्र सरकारकडे (Central Government) कोणतेही पर्याय उरलेले नाहीत. त्यामुळे त्याची १०० टक्के हिस्सेदारी विकण्याचा निर्णय निश्चित झाला आहे. ANI या वृत्तसंस्थेला दिलेल्या मुलाखतीत मंत्री हरदीप सिंह पुरी यांनी हे वक्तव्य केलेले आहे.

In the last meeting, on Monday, it was decided that the shortlisted bidders (for Air India disinvestment) be informed that the bids have to come in within 64 days...This time the Govt is determined and there is no hesitation: Civil Aviation Minister Hardeep Singh Puri pic.twitter.com/rlJirhxckh

— ANI (@ANI) March 27, 2021

एअर इंडियावर सध्या ६० हजार कोटींचे कर्ज (Air India debts) आहे. आणि हाच कर्जाचा बोजा कंपनीचे खाजगीकरण केल्याशिवाय कमी होणार नाही, असं मत सरकारचे आहे. एअर इंडिया कुणाला विकायची याबाबत अद्याप निर्णय झालेला नाही. मात्र याची बोली लावण्यासाठी कंपन्यांना ६४ दिवसांचा कालावधी दिल्याचे पुरी म्हणाले आहेत. 

त्यामुळे मे अखेर किंवा जूनच्या सुरूवातीपर्यंत एअर इंडियाचे खाजगीकरण झालेले असेल, हे निश्चित होते आहे.