Covid-19 : देशात गेल्या २४ तासांत ९०,६३३ नव्या रुग्णांची नोंद

नवी दिल्ली : देशात कोरोना रुग्णांच्या संख्येत सतत वाढ होताना दिसत आहे. गेल्या २४ तासांत तब्बल ९० हजार ६३३ नव्या कोरोना रुग्णांची नोंद झाली आहे. देशात कोरोना रुग्णांनी ४१ लाखांचा आकडा पार केला आहे. सध्या देशात ४१ लाख १३ हजार ८१२ नागरिकांना कोरोनाची बाधा झाली आहे. त्यापैकी ७० हजार ६२६ रुग्णांचा कोरोना व्हायरसने बाळी घेतला आहे. तर गेल्या २४ तासांत १ हजार ६५ रुग्णांना आपला जीव गमवावा लागला आहे. 

India's #COVID19 tally crosses 41 lakh mark with a single-day spike of 90,633 new cases & 1,065 deaths reported in the last 24 hours.

The total case tally stands at 41,13,812 including 8,62,320 active cases, 31,80,866 cured/discharged/migrated & 70,626 deaths: Ministry of Health pic.twitter.com/GjmHsTOCaU

— ANI (@ANI) September 6, 2020

ऐकीकडे भरतात कोरोना रुग्णांच्या संख्येत दिवसागणिक वाढ होत आहे. तर दुसराकडे दिलासा देणारी बाब म्हणजे. ज्या वेगात कोरोना रुग्णांची संख्या वाढत आहे, त्याहूनही अधिक वेगात रुग्ण कोरोनावर मात करत आहेत. सध्या देशात ८ लाख ६२ हजार ३२० रुग्णांवर उपचार सुरू असून ३१ लाख ८० हजार ८६६ रुग्णांनी कोरोनावर मात केली आहे.  

देशात दररोज ८० हजाराहून अधिक रुग्ण वाढत आहेत. तर मृत्यू होणाऱ्यांची संख्या एक हजाराहून अधिक आहे. कोरोनाच्या वेगाने वाढत्या रुग्णांमुळे भारत संक्रमित रुग्णांच्या यादीत दुसर्‍या क्रमांकावर पोहोचला आहे. ब्राझीलला मागे टाकत भारत आता अमेरिकेनंतर दुसऱ्या स्थानावर आला आहे.