वाहतुकीचा नियम मोडला, जीवानं गेला; विचित्र अपघात CCTV मध्ये कैद

व्हिडीओ स्क्रीनग्रॅब

पुणे : आळंदी रोडवरील दिघी येथे एका विचित्र अपघातामध्ये एका तरुणाचा मृत्यू झाला आहे. या अपघाताचा व्हिडीओ सोशल CCTV मध्ये कैद झाला आणि आता तो सोशल मीडियावर कमालीचा व्हायरल होत आहे. अपघाताची भीषणता या व्हिडीओतून लक्षात येत आहे. 

कारचा दरवाजा अचानक उघडला आणि विरुद्ध दिशेनं जाणाऱ्या बुलेचस्वाराची या कारला धडक लागली. 

धडक लागताच बुलेटवरील दोन्ही तरुण रस्त्यावर पडले आणि यापैकी एक तरुण रस्त्यावरुन जाणाऱ्या टेम्पोखाली आला. 

टेम्पोखाली आलेल्या तरुणाचा जागीच मृत्यू झाला. राम बागन असं या मृत तरुणाचं नाव असल्याची माहिती समोर येत आहे. 

सीसीटीव्हीमध्ये कैद झालेल्या अपघाताची दृश्य सर्वांनाच विचलीत करत आहेत. 

अत्यंत विचित्र पद्धतीनं घडलेल्या या अपघातामुळं पुन्हा एकदा वाहतुकीच्या नियमांचं किती गांभीर्यानं पालन केलं जात आहे आणि रस्त्यावर वाहन चालकांकडून याकडे किती गांभीर्यानं पाहिलं जात आहे का हा प्रश्न ऐरणीवर आला आहे. 

भर वर्दळीच्या रस्त्यामध्ये विरुद्ध दिशेनं जाणं बाईकस्वाराच्या जीवावर बेतलं आहे असं प्रत्यक्षदर्शींचं म्हणणं असल्याचं कळत आहे.