Pune News : खळबळजनक! पुणे- मुंबई महामार्गालगत झुडपात आढळला 35 वर्षीय महिलेचा मृतदेह
Pune News : पुण्यात घडलेल्या एका घटनेमुळं एकच खळबळ माजली असून, पोलीस यंत्रणेलाही घडला प्रकार पाहून हादरा बसला आहे.
)
चैत्राली राजापूरकर, झी मीडिया, पुणे : (Pune News) मागील काही दिवसांमध्ये पुण्यातील गुन्हेगारी विश्वास घडणाऱ्या घटनांमध्ये वाढ झाल्याचं पाहायला मिळत असतानाच आणखी एक खळबळजनक वृत्त नुकतंच समोर आलं आहे.
उपलब्ध माहितीनुसार पुणे- मुंबई महामार्गलगतच्या असलेल्या झुडपात एका महिलेचा मृतदेह आढळल्यानं खळबळ उडालीये. महिलेची हत्या करून मृतदेह पोत्यात बांधून झुडपात फेकण्यात आल्याची प्राथमिक बात तपासातून समोर आली. मृत महिला अंदाजे 35 वर्षाची असावी असाय कयास लावला जात आहे. पण, ती नेमकी कोण होती? तिची हत्या कोणी केली? अन इथं मृतदेह कोणी आणून फेकला? याचा शोध घेण्याचं काम पोलिसांनी तातडीनं सुरू केलं आहे.
सोमवारी दुपारी या भागात दुर्गंधी पसरल्याचं आयआरबी पथकाने पोलिसांना कळवलं. ज्यानंतर प्रत्यक्षात जाऊन पाहणी केली असता, एका पोत्यात महिलेचा मृतदेह आढळून आला. तळेगाव पोलिसांच्या हद्दीत ही घटना घडल्याची बाब समोर आली आहे. दुसरीकडे ही हत्या नेमकी कशी आणि कधी करण्यात आली? महामार्गालगतच्या झुडपात हा मृतदेह कधीपासून आहे. याचा तपासही केला जात आहे.
हेसुद्धा वाचा : हे फारच धक्कादायक! दूषित पाण्याने पसरणाऱ्या आजारांमुळं राज्यात 15 मृत्यू
(सविस्तर वृत्त प्रतिक्षेत...)