फडणवीस यांना करारा जवाब मिलेगा; दूध का दूध, पानी का पानी - गृहमंत्री

मुंबई : Maharashtra Budget Session 2022 : माझे उत्तर तयार आहे. पण, विरोधी पक्षनेते देवेंद्र फडणवीस (Devendra Fadnavis) यांनी उद्या उत्तर द्या, अशी विनंती केली. त्यामुळे उद्या सभगृहात उत्तर देईन, असे राज्याचे गृहमंत्री दिलीप वळसे-पाटील (Home Minister Dilip Walse Patil) यांनी स्पष्ट केले आहे. त्याचवेळी ते म्हणाले उद्या माझ्या उत्तरानंतर दूध का दूध, पानी का पानी होईल. करारा जवाब मिलेगा, असे ठणकावून त्यांनी सांगितले. (Home Minister Dilip Walse Patil will answer the allegations of Devendra Fadnavis)

विरोधीपक्ष नेते देवेंद्र फडणवीस यांनी केलेल्या आरोपावर आज विधानसभेत गृहमंत्री वळसे-पाटील उत्तर देणार होते. काल सभागृहात विरोधी पक्षाने उपस्थित केलेल्या प्रश्नावर आज उत्तर देणार होतो. त्यासाठी तयार होतो. पण त्यांनी मागणी केली होती की उद्या बोला. त्यामुळे मी उद्या उत्तर देईल. त्यांनी खरेतर कायदा सुवस्था यावर बोलायचे होते. पण ते त्यांच्या कर्तव्यापासून दूर गेले आहेत, अशी टीका गृहमंत्र्यांनी यावेळी केली.

दरम्यान, देवेंद्र फडणवीस यांनी केलेल्या आरोपवर आज मुंबईत महत्वाची बैठक पार पडली. गृहमंत्री दिलीप-वळसे यांच्या अध्यक्षतेखाली बैठक पार पडली. एसीपी सुषमा चव्हाण आणि मुंबईचे पोलीस आयुक्त संजय पांडे बैठकीला हजर होते. सुषमा चव्हाण यांनी पुणे कार्यलयातून सर्व कागदपत्रे गृहमंत्रीकड् दिल्याची माहिती आहे.