राम राम जपना, गरिब का माल अपना!

अल्मोडा : राम राम जपना, गरिब का माल अपना, अशा कठोर शब्दांमध्ये काँग्रेस उपाध्यक्ष राहुल गांधींनी पंतप्रधान नरेंद्र मोदींनी घेतलेल्या नोटबंदीच्या निर्णयावर टीका केली आहे. अमिताभ बच्चन यांच्या 'राम राम जपना, गरिब का माल अपना' या गाण्यासारखा मोदींना गरिबांचा पैसा हवा असल्याचा आरोप राहुल गांधींनी केला आहे.

मोदींचा नोटबंदीचा निर्णय म्हणजे आर्थिक दरोडा असल्याचंही राहुल गांधी म्हणाले आहेत. उत्तराखंडच्या अल्मोडामध्ये झालेल्या सभेमध्ये मोदींवर टीका करताना राहुल गांधींनी शेरोशायरीही केली. लोग टूट जाते है एक घर बनाने मे, तुम तरस नही खाते बस्तिया जलाने मे, अशा शब्दांमध्ये राहुल गांधींनी मोदींवर हल्लाबोल केला.