अकोल्यात भाजप महापौरांचे तिकीट कापले

जयेश जगड, झी मीडिया, अकोला : अकोल्यात भाजपनं पक्षाच्या महापौर उज्वला देशमुख यांचं तिकीट कापलंय. अकोला महापालिकेसाठी भाजपनं आज आपल्या ७३ उमेदवारांची यादी जाहीर केलीय. 

अकोला महापालिकेत एकूण ८० जागा आहेत. भाजपनं जेष्ठ नगरसेवक सुनिल मेश्राम यांच्या आघाडीला सहा जागा सोडल्या. तर रिपाई आठवले गटाला एक जागा दिलीय. भाजपच्या आजच्या उमेदवार यादीवर अकोल्यातील भाजपामधल्या अंतर्गत वादाचा मोठा प्रभाव असल्याचं स्पष्टपणे जाणवतंय. अकोला भाजपमध्ये गृहराज्यमंत्री डॉ. रणजीत पाटील आणि खासदार संजय धोत्रे यांचे गट आहेत.

महापालिका निवडणूकीच्या ऐन तोंडावर अकोला भाजपमधील गटबाजी चांगलीच उफाळून आलीय. याच गटबाजीचा स्फोट आज जाहीर झालेल्या भाजपच्या उमेदवार यादीच्या रूपानं झालाय. अकोला भाजपमध्ये गृहराज्यमंत्री डॉ. रणजीत पाटील आणि खासदार संजय धोत्रे यांचे गट आहेयेत. दोन्ही गट नेहमीच एकमेकांना नामोहरम करणाचा प्रयत्न करीत असतात. 

अकोला महापालिकेची जबाबदारी भाजपनं खासदार संजय धोत्रे यांच्याकडे दिलीये. या संधीचा फायदा घेत खासदार गटानं या यादीतून डॉ. रणजीत पाटील समर्थकांचं तिकिट कापत त्यांना घरचा रस्ता दाखविलाय. तिकिट कापण्यात आलेल्यांमध्ये  महापौर उज्वला देशमुख, माजी सभागृह नेते योगेश गोतमारे आणि नगरसेवक गोपी ठाकरे यांचा समावेश आहेय. महापौर  उज्वला देशमुख यांनी प्रभाग क्रमांक सहामधील खुल्या गटातील जागेसाठी महापौरांनी पक्षाला तिकीट मागितलं होतंय. मात्र, महापौरांना डावलत भाजपनं नगरसेविका सारीका जयस्वाल यांना येथून उमेदवारी दिलीये. 

त्यामूळे गृहराज्यमंत्री डॉ. रणजीत पाटील आणि खासदार संजय धोत्रे वादाचा महापौरांना फटका बसलाय. महापौर देशमुख ह्या डॉ. रणजीत पाटील गटाच्या यांच्या समर्थक आहेयेत. त्यांनी आजच प्रभाग क्रमांक सहामधून आपला उमेदवारी अर्ज दाखल केला होताय. 

आता तिकिट न मिळाल्यानं त्यांना माघार घ्यावी लागणार आहेय. अकोला महापालिकेसाठी भाजपनं आज आपल्या ७३ उमेदवारांची यादी जाहीर केलीय. अकोला महापालिकेत एकूण ८० जागा आहेयेत. भाजपनं जेष्ठ नगरसेवक सुनिल मेश्राम यांच्या आघाडीला सहा जागा सोडल्याय.

तर रिपाई आठवले गटाला एक जागा दिलीय. दरम्यान, तिकिट कापण्यात आलेल्या महापौर उज्वला देशमुख यांनी तिकिट का कापलं गेलंय, याची माहिती नसल्याचं  म्हटलंय. मात्र, पक्षाचंच काम करत राहणार असल्याचं स्पष्ट करीत त्यांनी बंडखोरीच्या चर्चांना पूर्णविराम दिलाय.