ट्रकला अपघात, जखमींना सोडून बघ्यांचा आंब्यावर ताव

शिर्डी : माणूस किती असंवेदनशील होत चाललाय त्याचंच एक उदाहरण शिर्डीत समोर आलंय.

पुणे-नाशिक राष्ट्रीय महामार्गावर बोटा शिवारात विद्यानिकेतन कॉलेजसमोर जवळपास तीन लाखांचा रत्नागिरी हापूस घेऊन जाणारी पिकअप जीप उलटली.

जीप उलटताच आंब्याच्या लाकडी पेट्या जीपबाहेर फेकल्या गेल्या. जाणाऱ्या येणाऱ्यांना हापूस आंब्याचं दर्शन होताच प्रत्येक जण त्यावर तुटून पडला.

आंब्यावर यथेच्छ ताव मारताना जीपमधल्या जखमींना दवाखान्यात नेण्यास देखील कुणाकडे वेळ नव्हता. अनेकांनी आंब्याच्या पेट्या हातोहात लांबवल्या. घटना घटल्यानंतर अवघ्या पंधरा मिनिटांत जीपमधील सुमारे तीन लाखाचा आंबा गायब झाला.