मध्य रेल्वेच्या आज रात्री ४ विशेष लोकल

मुंबई : मध्य रेल्वेनेही ३१ डिसेंबरच्या रात्री नववर्ष साजरे करण्यासाठी घराबाहेर पडणार्‍या प्रवाशांच्या सोयीसाठी चार विशेष लोकल चालविण्याचा निर्णय घेतलाय.

मुंबई छत्रपती शिवाजी टर्मिनसहून कल्याणला डाऊन दिशेची पहिली लोकल १.३० वाजता सुटून कल्याणला ३.०० वाजता पोहचेल तर अप दिशेची पहिली लोकल कल्याणहून १.३० वाजता सुटून मुंबई छत्रपती शिवाजी टर्मिनसला ३.०० वाजता पोहचेल. 

हार्बर मार्गावरील पहिली डाऊन लोकल मुंबई छत्रपती शिवाजी टर्मिनसहून मध्यरात्री १.३० वाजता सुटेल आणि पनवेलला पहाटे २.५० वाजता पोहचेल. अप दिशेच्या प्रवासासाठी पनवेलहून पहिली लोकल रात्री १.३० वाजता सुटेल आणि मुंबई, छत्रपती शिवाजी टर्मिनसला पहाटे २.५० वाजता पोहोचेल.