'या' पाच गोष्टींचं चुकूनही दान करू नका, तुमच्यासमोर अडचणींचा डोंगर उभा राहील

मुंबई : गरजू व्यक्तीला दान करणे हे सनातन संस्कृतीत अत्यंत शुभ मानले जाते. असे केल्याने माणसाची सर्व पापे धुतली जातात आणि त्याला पुण्य प्राप्त होते असे म्हणतात. हेच कारण आहे की हिंदू धर्मातील कोणताही उत्सव दान केल्या शिवाय पूर्ण मानला जात नाही. धार्मिक शास्त्रानुसार तुम्ही गरजूंना काही गोष्टी सोडून काहीही दान करू शकता. चुकीच्या वस्तूंचे दान केल्याने त्याचा विपरीत परिणाम होऊ लागतो आणि कुटुंबावर संकटांचा डोंगर कोसळतो. चला जाणून घेऊया काय आहेत त्या गोष्टी.

या वस्तूंचे दान करणे अशुभ आहे

शिळे अन्न: गरजू व्यक्तींना अन्न देणे हे मोठे पुण्य मानले जाते, परंतु हे लक्षात ठेवा की अन्न शिळे नसून ते पूर्णपणे ताजे असावे. जर तुम्ही ईश्वरनिष्ठ बनण्यासाठी शिळे अन्न दान केले तर तुमच्या कुटुंबाला अनेक समस्यांना सामोरे जावे लागू शकते.

फाटलेली पुस्तके: जर तुम्हालाही एखाद्याला पुस्तके किंवा ग्रंथ दान करायचे असतील तर त्यांना या गोष्टी नेहमी नवीन द्या. फाटलेली पुस्तके किंवा ग्रंथ कोणत्याही परिस्थितीत देणे चांगले मानले जात नाही. असे केल्याने सरस्वती मातेला राग येतो व मुलांच्या शिक्षणात फटका सहन करावा लागतो.

तीक्ष्ण वस्तू: कात्री, चाकू किंवा इतर कोणतीही तीक्ष्ण वस्तू कोणत्याही गरजूला कधीही दान करू नये. या गोष्टींमुळे इतरांचे नुकसान होणार आहे. यामुळे कुटुंबातील क्लेशही वाढू लागतात.

झाडू : झाडूला देवी लक्ष्मीचे प्रतीक मानले जाते. म्हणूनच चुकूनही दान करू नये. असे म्हणतात की जे आपल्या घराचा झाडू दान करतात, त्यांना गरिबीचा सामना करावा लागतो आणि अनेक प्रकारचे आजारही त्यांना घेरतात.

तेल: घरात वापरलेले किंवा खराब झालेले तेलदान करणे अशुभ मानले जाते. असे केल्याने शनिदेव दुःखी होतात आणि कुटुंबावर वाईट परिणाम होतात. असे म्हणतात की एकदा शनिदेव कोणावर रागावला की त्यांच्या आयुष्याची गाडी लवकर रुळावर येत नाही.

(विशेष सूचना:  इथे दिलेली माहिती सामान्य माहितीवर आधारित आहे. झी 24 तास याची कोणतीही खातरजमा करत नाही. आमचा उद्देश फक्त तुम्हाला माहिती देणं आहे.)