'हिंदू असल्यामुळे अन्याय झाला'; पाकिस्तानी क्रिकेटपटूचा गौप्यस्फोट

मुंबई : पाकिस्तानी क्रिकेटपटू किती धर्मवेडे आहेत, याचं धक्कादायक वास्तव समोर आलं आहे. विशेष म्हणजे पाकिस्तानच्याच क्रिकेटपटूने याबाबतचा गौप्यस्फोट केलाय. पाकिस्तानी क्रिकेटपटू दानिश कनेरिया हा धर्मानं हिंदू आहे. त्यामुळेच अनेक पाकिस्तानी क्रिकेटपटू त्याच्यासोबत जेवायला तयार नसत, असा आरोप शोएब अख्तर यानं केला. दानिश कनेरियानं या आरोपांना दुजोरा दिला आहे.

या सगळ्या घटनाक्रमातलं सत्य आपण आता जगाला सांगणार आहोत. मी हिंदू असल्यानं टीममधले अनेक खेळाडू माझ्याशी बोलायचे देखील नाहीत. सुरूवातीला याबाबत बोलण्याचं धैर्य माझ्यात नव्हतं. मात्र आता त्या खेळाडूंची नावं आपण जाहीर करणार आहोत, अशी प्रतिक्रिया कनेरियानं व्यक्त केलीय.

Pak cricketer Danish Kaneria to ANI on Shoaib Akhtar's allegations that Pak players had problems eating with Kaneria as he's a Hindu:He told the truth. I'll reveal names of players who didn't like to talk to me as I was a Hindu. Didn't have courage to speak on it, but now I will. pic.twitter.com/HmeSUhtbUk

— ANI (@ANI) December 26, 2019

दानिश कनेरिया हिंदू होता म्हणून त्याच्यावर अन्याय झाला. काही खेळाडूंना तर तो आमच्यासोबत का जेवतो? असाही आक्षेप होता, असं वक्तव्य शोएब अख्तरने एका टीव्ही शोदरम्यान केलं आहे.

या गोष्टीवरून माझं दोन-तीन खेळाडूंशी भांडण झालं. जर कोणी हिंदू असेल तर तोपण खेळेल. त्याच हिंदू असलेल्याने आम्हाला टेस्ट सीरिज जिंकवली. तो इकडून जेवण का घेतोय? असा प्रश्न एका खेळाडूने विचारला. तेव्हा तुला इकडून बाहेर फेकून देईन, असं मी त्याला ऐकवलं. कर्णधार असशील तु तुझ्या घरातला. तो तुम्हाला ६-६ विकेट घेऊन देतोय. इंग्लंडमध्ये दानिश आणि शमीने आम्हाला सीरिज जिंकवून दिली होती, असं शोएब अख्तर म्हणाला.

Hindus even at good position like national cricket team are treated badly in Pakistan then think about the poor ones.

Respect for @shoaib100mph for exposing Pakistan's Hindu hatred pic.twitter.com/IPUTngA0yO

— Amit Kumar Sindhi (@AMIT_GUJJU) December 26, 2019

याच कार्यक्रमात राशिद लतीफ यांनी युसुफ योहानाला कसा त्रास देण्यात आला हे सांगितलं. युसुफ योहाना कमालीचा खेळाडू होता, पण त्याला त्रास देण्यात आला. अखेर त्याने धर्म बदलला, असं राशिद लतीफ म्हणाला. युसुफच्या नावावर १२ हजार रन आहेत, पण आपण त्याला योग्य सन्मान दिला नाही, अशी प्रतिक्रिया शोएब अख्तरने दिली. सुरुवातीच्या काळाता युसुफ योहाना या नावानं खेळल्यानंतर युसुफने धर्मांतर केलं आणि मग पुढची कारकिर्द तो मोहम्मद युसुफ या नावाने खेळला.

दानिश कनेरियाला त्याच्या उल्लेखनीय कामगिरीचं श्रेय देण्यात आलं नाही. दानिश कनेरियाला मिळालेली वागणूक चुकीची होती, असं शोएब अख्तरने कबूल केलं आहे.