அரசு ஊழியர்களின் ஓய்வு பெறும் வயது 60 இல்லை, இனி 62 வயதில் பணிஓய்வு...

Retirement Age Updates: ஈரான் நாட்டில் அரசு ஊழியர்களின் ஓய்வு பெறும் வயது 60ஆக இருந்த நிலையில் தற்போது 62ஆக உயர்த்த அரசு முடிவு செய்துள்ளது. இது வெளிநாட்டு செய்தி...

ஓய்வூதிய வயது அதிகரிப்பு: அரசுப் பணியாளர்கள் பணிஓய்வு பெறும் வயது அறுபது என்பதில் இருந்து 62 ஆக உயர்த்த அரசு ஒப்புதல் அளித்தது. ஈரான் நாட்டில், இந்த சட்டத்திற்கு ஒப்புதல் அளிக்கப்பட்டுள்ளது. மேலும், ஆண்கள் 20 வயதில் வேலை செய்யத் தொடங்கி 42 ஆண்டுகளுக்கு சமூகப் பாதுகாப்பு வரிகளை செலுத்தினால், ஓய்வூதிய வயதை இரண்டு ஆண்டுகள் அதிகரித்து 62 ஆக உயர்த்தும் சட்டத்திற்கு ஒப்புதல் அளித்துள்ளனர். பெண்களுக்கான ஓய்வூதிய வயது மாற்றப்படவில்லை, ஈரானில் பெண்களின் பணிஓய்வு பெறும் வயது 55 ஆக உள்ளது.

அரசின் புதிய சட்டத்திற்கான ஒப்புதல் தொழிலாளர்களுக்கு மிகப் பெரிய பின்னடைவு என்று இஸ்லாமிய தொழிலாளர் கவுன்சில்களின் ஒருங்கிணைப்பு அமைப்பு (coordinating body of the Islamic Labor Councils) தெரிவித்துள்ளது. ஏழாவது மேம்பாட்டுத் திட்டச் சட்டத்தின் ஒரு பகுதியாக இருக்கும் புதிய சட்டத்தை தொழிலாளர்களுக்கு கடுமையான அடி என்று கூறியது.

1979 இன் அரசியலமைப்பு, தொழிற்சங்கங்களை அமைப்பதற்கான தொழிலாளர்களின் உரிமையை அங்கீகரிக்கிறது, ஆனால் இஸ்லாமிய அரசாங்கம் எப்போதும் சுதந்திரமான தொழிற்சங்கங்கள் இருப்பதை விரும்புவதில்லை. எனவே, 1985ஆம் ஆண்டில் இரான் நாடாளுமன்றம் ஒரு சட்டத்தை நிறைவேற்றியது, இது தொழிற்சங்கங்களுக்கு மாற்றாக இஸ்லாமிய தொழிலாளர் கவுன்சில்களை அங்கீகரிக்கிறது, தற்போது ஈரான் அரசாங்கம், இந்த கவுன்சிலை தனது கட்டுப்பாட்டின் கீழ் கொண்டுவர முயற்சித்தது.

புதிய சட்டம் முழு ஓய்வூதியத்திற்குத் தகுதிபெறுவதற்கு வேலையில் இருக்கும் ஆண்டுகளின் எண்ணிக்கையையும் அதிகரித்துள்ளது.

புதிய சட்டத்தின் இறுதி ஒப்புதலுக்குப் பிறகு, இனிமேல் அரசு வேலையில் சேருபவர்கள் முழு ஓய்வூதியத்தைப் பெறுவதற்கு 42 ஆண்டுகளுக்கும் மேலாக வேலை செய்ய வேண்டும், அதே சமயம் தற்போது பணிபுரிபவர்கள், பணிபுரிந்த ஆண்டுகளுக்கு ஏற்ப ஓய்வூதியம் பெறுவார்கள். 

தற்போதைய புதிய சட்டத்தின்படி, 30 வயதில் பணியில் சேர்ந்தால், அவர் முழு ஓய்வூதியத்தைப் பெற 72 வயது வரை வேலை செய்ய வேண்டும். அதாவது 42 ஆண்டுகள் பணியில் இருந்தால் தான் முழு ஓய்வூதியம் கிடைக்கும். இதனால், அரசுப் பணியாளர்களுக்கு அதிருப்தி ஏற்பட்டுள்ளது. 

பொருளாதார நெருக்கடி மற்றும் 50 சதவீத வருடாந்திர பணவீக்க விகிதத்திற்கு மத்தியில், ஈரானின் கூட்டுறவு, தொழிலாளர் மற்றும் சமூக நலத்துறை அமைச்சர் சோலாட் மோர்தசாவி, நாடாளுமன்றக் கூட்டத்தின் போது இந்த புதிய சட்டத்தை முன்வைத்தார்.

நாடாளுமன்றத்தால் அங்கீகரிக்கப்பட்ட மற்ற சட்டங்களைப் போலவே, அரசியலமைப்பு பாதுகாவலர் கவுன்சிலால் இன்னும் மதிப்பாய்வு செய்யப்பட்டு அங்கீகரிக்கப்படாத சட்டம், சில சட்டமியற்றுபவர்கள் உட்பட பலரால் கடுமையாக விமர்சிக்கப்பட்டுள்ளது.

 தொழிலாளர் அமைச்சர் Solat Mortazavi, ஓய்வு பெறும் வயது மற்றும் முழு ஓய்வூதியத்திற்கான தகுதியை அதிகரிப்பதற்கான முடிவு முதன்மையாக ஓய்வூதிய நிதிகள் எதிர்கொள்ளும் நிதி சவால்களை எதிர்கொள்வதை நோக்கமாகக் கொண்டுள்ளது என்பதை ஒப்புக்கொண்டார்.

இந்த நிதிகளில் பலவற்றின் திவால்நிலை அரசாங்கத்திற்கு ஒரு குறிப்பிடத்தக்க சவாலாக உள்ளது என்பது குறிப்பிடத்தக்கது. இத்தகைய நடவடிக்கைகள் நிதியை நிலைநிறுத்துவதற்கு அவசியமானவை என்று மோர்டசாவி வலியுறுத்தினார். தவறான நிர்வாகமும் ஊழலும்தான் ஓய்வூதிய நிதியில் பல ஆண்டுகளாக நீடித்த நெருக்கடிக்கு விமர்சகர்கள் குற்றம் சாட்டுகின்றனர்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!