உடலில் கொழுப்பு அதிகரித்து, உடலில் எங்கும் சதை தொங்குவது ஒருவரின் தோற்றத்தை பாதிப்பதோடு மட்டுமல்லாமல், உடல் நல பிரச்சனைகளை அதிகரிக்கலாம். ஆனால் எடை குறைக்கும் முயற்சி பல முறை சவாலானதாக இருக்கிறது. உங்களுக்குப் பிடித்த உணவுகளை பரஸ்பரம் புத்திசாலித்தனமாக இணைப்பது உங்களுக்கு சிறந்த தேர்வாக இருக்கும். உடல் எடையை குறைப்பது நேரத்தை எடுத்துக்கொள்ளும் செயல் என்றும் அதற்கு குறுக்குவழி எதுவும் இல்லை என்றும் நீங்கள் பலரிடமிருந்து கேள்விப்பட்டிருப்பீர்கள். இந்த விஷயம் 100% சரியாக இருந்தாலும், மற்றொரு சுவாரஸ்யமான விஷயம் என்னவென்றால், உங்கள் உணவுகளை (எடை இழப்புக்கான உணவு சேர்க்கைகள்) ஒன்றாக சேர்த்து சாப்பிட்டால், அது எடை இழப்பு செயல்முறையை எளிதாக்கும். உடல் எடையைக் குறைக்கும் போது, குறிப்பிட்ட இரண்டு உணவுகளை சேர்த்து சாப்பிடும் போது, பலன் இரட்டிபாகிறது. உண்மையில், அவை இரண்டும் சேர்ந்து உங்களுக்கு அதிக ஊட்டச்சத்துக்களை வழங்குவதோடு, உங்கள் வயிறு நிரம்பவும் உதவும். இந்த உணவுகள் அதிக கலோரிகளை எரிக்க உதவும். நீங்களும் விரைவாக உடல் எடையை குறைக்க விரும்பினால், இந்த கட்டுரையில் கொடுக்கப்பட்ட்டுள்ள எடை இழப்புக்கான 4 உணவு சேர்க்கைகளைப் உங்கள் உணவில் சேர்க்கலாம். இதற்கு கை மேல் பலன் கிடைக்கும் என்கின்றனர் நிபுணர்கள்.
எடை இழப்புக்கான உணவு கலவைகள்: நீங்கள் இந்த உணவுகளை ஒன்றாக சேர்த்து சாப்பிட்டால், உங்கள் எடையை வேகமாக குறைக்க முடியும்
முட்டை மற்றும் கீரை
முட்டையில் உயர்தர புரதம் நிறைந்துள்ளது. முட்டைகள் ஊட்டச்சத்து நிரம்பியவை, தயாரிக்க எளிதானவை மற்றும் எடை இழப்புக்கு சரியான உணவாகும். உடல் பருமனை குறைக்கும் முயற்சியில் இருந்தால், உங்கள் ஆம்லெட்டில் கீரையைச் சேர்க்கவும். ஒரு ஆய்வின் படி, இரும்புச்சத்து நிறைந்த கீரையை முட்டையுடன் சேர்த்து சாப்பிடுவதுமக்கள் அதிக எடையைக் குறைக்க உதவும்.
ஆலிவ் எண்ணெயுடன் பச்சை இலை காய்கறிகள்
உங்கள் உணவுக்குப் பின் ஏற்படும் பசியின்மையைக் கட்டுப்படுத்த புதிய பச்சை சாலட் நிறைந்த உணவை விட வேறு எதுவும் உங்களைச் சிறப்பாகச் செய்ய முடியாது. இது மிகவும் ஆரோக்கியமாக இருக்க, நீங்கள் அதில் சிறிது ஆலிவ் எண்ணெயைச் சேர்க்கலாம். பச்சை இலை காய்கறிகள் மற்றும் ஆலிவ் எண்ணெய் இரண்டும் எடை இழப்புக்கு சிறந்த உணவு சேர்க்கைகள். ஆனால் இந்த உணவுகளை ஒன்றாக உட்கொள்ளும் போது, அவை உங்கள் எடை இழப்பு செயல்முறையை இரட்டிப்பாக்கலாம். நிறைவுறா கொழுப்பு நிறைந்த ஆலிவ் எண்ணெய், பசியைத் தடுக்க உதவுகிறது, மேலும் பச்சை இலை காய்கறிகள் உங்கள் திருப்தி உணர்வை அதிகரிக்கச் செய்யும். உங்கள் சாலட்டில் எண்ணெய் சேர்ப்பது பச்சை காய்கறிகளில் இருந்து ஊட்டச்சத்துக்களை உறிஞ்சுவதை அதிகரிக்க உதவுகிறது.
மேலும் படிக்க | தினமும் வெற்றிலை பாக்கு போட்டால் போதும்... கருத்தரிப்பு மையம் போகவே வேண்டாம்!
கடலை வெண்ணெய் மற்றும் ஆப்பிள்
ஆப்பிள் மற்றும் கடலை வெண்ணெய் எடை இழப்புக்கு நல்ல உணவு சேர்க்கைகள். கடலை வெண்ணெயில் மோனோசாச்சுரேட்டட் மற்றும் பாலிஅன்சாச்சுரேட்டட் கொழுப்பு நிறைந்துள்ளது, இது உங்களை முழுமையாக வைத்திருக்க உதவுகிறது மற்றும் இன்சுலின் வளர்சிதை மாற்றத்தை மேம்படுத்துகிறது. ஆப்பிளில் நார்ச்சத்தும் நிறைந்துள்ளது, இது உங்களில் பசியைக் குறைக்கிறது. அதுமட்டுமின்றி, உடல் எடையை குறைக்க இது ஒரு நல்ல சிற்றுண்டியாக கருதப்படுகிறது.
கிரீன் டீ மற்றும் எலுமிச்சை
எடை இழப்புக்கு தேர்ந்தெடுக்கப்பட்ட சில நல்ல பானங்களில் கிரீன் டீயும் ஒன்றாகும். இது குறைந்த கலோரி, ஆக்ஸிஜனேற்றம் நிறைந்த பானமாகும், இது அதிக கொழுப்பு மற்றும் கலோரிகளை எரிக்க உதவும். க்ரீன் டீயை ஒரு நாளைக்கு 2 முதல் 3 முறை குடிப்பது வளர்சிதை மாற்றத்தை அதிகரிக்கவும், உடல் கொழுப்பை குறைக்கவும் உதவும் என்றும் பல ஆய்வுகள் தெரிவிக்கின்றன. இது மிகவும் ஆரோக்கியமாக இருக்க, அதில் சிறிது எலுமிச்சை சாறு சேர்க்கவும். எலுமிச்சையில் வைட்டமின் சி உள்ளது, இது உங்கள் உடல் கிரீன் டீயில் உள்ள ஊட்டச்சத்துக்களை உடல் சிறப்பாக உறிஞ்சுவதற்கு உதவும்.
மேலே, கூறப்பட்டுள்ள உணவுகளோடு, உடற்பயிற்சிகளையும் தவறாமல் செய்யவேண்டும். அதோடு சர்க்கரை அளவையும் கட்டுப்படுத்த வேண்டும். இவை அனைத்தையும் கவனத்தில் கொண்டால், எடை இழப்பு உறுதி.
மேலும் படிக்க | சர்க்கரை நோயா... உடல் பருமன் குறையணுமா... ‘இந்த’ சர்க்கரைகளை தாராளமா சாப்பிடலாம்!
(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்ளும் முன் மருத்துவ ஆலோசனையைப் பெற வேண்டும். ZEE NEWS அதை உறுதிப்படுத்தவில்லை.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
