குவாஹாட்டி: அசாமில் வசிக்கும் வெளிநாட்டினரை சட்டவிரோதமாக தடுத்து வைத்ததற்காக 2016 முதல் ஆறு முகாம்களில் பல்வேறு நோய்களால் 28 பேர் இறந்துள்ளனர் எனும் அதிர்ச்சி தகவல் வெளியாகியுள்ளது!
பாராளுமன்றத்தின் மேல் சபையில் கேள்வி நேரத்தின்போது ஒரு கேள்விக்கு பதிலளித்த உள்துறை அமைச்சர் நித்யானந்தா ராய், 2016 முதல் இந்த ஆண்டு அக்டோபர் 13 வரை அசாமில் ஆறு தடுப்பு முகாம்களில் 28 பேர் இறந்துள்ளனர் என்று குறிப்பிட்டுள்ளார்.
இதுகுறித்த தகவல்கள் அளித்த அவர், 988 வெளிநாட்டு பிரஜைகள் இந்த முகாம்களில் தங்க வைக்கப்பட்டுள்ளதாக தெரிவித்தார். இறந்தவர்களுக்கு இழப்பீடு வழங்குவது தொடர்பான துணை கேள்விக்கு பதிலளித்த ராய், சட்டவிரோதமாக வசிப்பவர்கள் மற்றும் நாட்டில் வசிப்பவர்களை தடுத்து வைக்கும் போது நோய் காரணமாக மரணம் ஏற்பட்டால் இழப்பீடு அல்லது இழப்பீடு வழங்குவதற்கான ஏற்பாடு இல்லை என்று தெரிவித்தார்.
இந்த முகாம்களில் மருத்துவ வசதிகள் இல்லாதிருப்பதை மறுக்கும் அதே வேளையில், அசாம் அரசுக்கு கிடைத்த தகவல்களின்படி, தடுப்பு மையங்களில் அனைத்து அடிப்படை வசதிகளும், அடிப்படை மருத்துவ வசதிகளும் உள்ளன என்று ராய் கூறினார்.
ஒவ்வொரு தடுப்பு மையமும் மருத்துவ ஊழியர்களுடன் மருத்துவமனை வசதிகளை வழங்குகிறது என்று ராய் குறிப்பிட்டுள்ளார். இதில் மருத்துவர்கள் கைதிகளை வழக்கமாக சோதனை செய்வதும் அடக்கும் என அவர் குறிப்பிட்டுள்ளார்.
இந்தியாவில், முக்கியமாக வங்காள மற்றும் முஸ்லிம் சிறுபான்மையினரைச் சேர்ந்த லட்சக்கணக்கான மக்கள்... வெளிநாட்டினர் அல்லது அசாம் மாநில குடிமக்கள் அல்லாதவர்கள் என்று கருதப்படுகிறார்கள். அசாமில் குடியேறிய பிற தேசத்தை சேர்ந்தவர்களை வெளியேற்றும் பொருட்டு குடிமக்கள் பதிவு கட்டாயமாக்கப்பட்டது.
இதன்படி குடிமக்கள் அல்லாதோர் தடுப்பு முகாம்களுக்கு அனுப்பப்பட்டு, அவர்களுடைய நாடுகளுக்கு திருப்பி அனுப்பப்படுவார்கள். இது நாற்பதாண்டுகளுக்கும் மேலாக இந்தியாவில் வசிக்கும் முசுலீம்களை வெளியேற்ற ’இன வெறுப்பின்’ அடிப்படையில் கொண்டு வரப்பட்ட மிக மோசமான சட்டம் என்கிற விமர்சனங்கள் வைக்கப்பட்டன.
இந்திய அரசின் மிக உயரிய விருதுகளைப் பெற்றவர்களும்கூட ‘சட்ட விரோத குடியேறிகள்’ என்ற பெயரில் தடுப்பு முகாமுக்கு அனுப்பப்பட்டனர். ஏறக்குறைய நூறு பேர் தடுப்பு முகாம்களுக்கு அனுப்பப்பட்டதால் நேர்ந்த மனஉளைச்சலில் மரணமடைந்தனர்.
அந்த வகையில் தற்போது முகாம்களில் வைக்கப்பட்ட நபர்களில்., 2016 முதல் பல்வேறு நோய்களால் 28 பேர் இறந்துள்ளனர் எனும் அதிர்ச்சி தகவல் வெளியாகியுள்ளது.
