நீண்ட நாட்களாக இருக்கும் மலச்சிக்கல்..! இந்த 5 விஷயங்கள் மிக முக்கிய காரணம்

Constipation | நீண்ட நாட்களாக இருக்கும் மலச்சிக்கல் பிரச்சனைக்கு நீங்கள் தவறாமல் செய்யும் இந்த 5 பிரச்சனைகளே மிக முக்கிய காரணம்.

Constipation Relief Tips | மலச்சிக்கல் தானே என்று சாதாரணமாக இருந்துவிடக்கூடாது. தொடர்ச்சியாக இப்பிரச்சனை இருந்தால் அது மிகப்பெரிய பிரச்சனையை உருவாக்கிவிடும். தற்போதைய காலத்தில் நாள்பட்ட மலச்சிக்கல் என்பது உலகெங்கிலும் உள்ள மில்லியன் கணக்கான மக்களைத் தொந்தரவு செய்யும் ஒரு பிரச்சனையாக மாறிவிட்டது. சிலர் அதை ஒரு பிரச்சனையாக கருதாமல் புறக்கணிக்கின்றன். அதேநேரத்தில் சிலர் மலச்சிக்கலால் மிகவும் தொந்தரவு அடைந்து, எப்படியாவது அதை சரி செய்ய வேண்டும் என முயற்சிக்கிறார்கள். எல்லா முயற்சிகளுக்கும் பிறகும் மலச்சிக்கலில் இருந்து நிவாரணம் பெற முடியவில்லை என்றால், நீங்கள் நிச்சயமாக ஏதோ தவறு செய்கிறீர்கள் என்பதைப் புரிந்து கொள்ளுங்கள்.

நாள்பட்ட மலச்சிக்கல் என்றால் என்ன?

இதன் பொருள் பல வாரங்கள் அல்லது அதற்கு மேல் நீடிக்கும் தொடர்ச்சியான குடல் இயக்கப் பிரச்சினைகள் உள்ளதை உணரலாம். வழக்கத்தை விட குறைவான குடல் அசைவுகள், கடினமான, உலர்ந்த அல்லது கட்டியான மலம் வெளியேறுதல், வலிமிகுந்த அல்லது கடினமான குடல் அசைவுகள், குடல் காலியாக இல்லாதது போன்ற உணர்வு, வீக்கம், வயிற்றுப் பிடிப்புகள், சோர்வாக உணர்தல் அல்லது தலைவலி ஆகியவை நாட்பட்ட மலச்சிக்கல்களுக்கான முக்கிய அறிகுறிகள் ஆகும். இது வீக்கம், சோம்பல் மற்றும் வயிற்று வலியை ஏற்படுத்தும். அன்றாட வாழ்க்கையையும் ஆரோக்கியத்தையும் பாதிக்கும்.

நீங்க என்ன தப்பு பண்றீங்க?

1. உடல் செயல்பாடுகள் இல்லாமை

நீங்கள் ஒவ்வொரு நாளும் குறைந்தது 20 முதல் 30 நிமிடங்கள் உடல் செயல்பாடுகளைச் செய்யவில்லை என்றால், மலச்சிக்கலில் இருந்து விடுபடுவது அவ்வளவு எளிதானது அல்ல என்பதைப் புரிந்து கொள்ளுங்கள்.

2. ஆரோக்கியமான உணவுகளை உண்ணாமல் இருப்பது

முதலில், எண்ணெய், காரமான மற்றும் கார்போஹைட்ரேட் நிறைந்த உணவுகளைத் தவிர்த்துவிட வேண்டும். நார்ச்சத்து மிக்க உணவுகளை அதிகம் சாப்பிட வேண்டும். அதை செய்யாமல் தினமும் நொறுக்குதீனிகளுக்கு முக்கியத்துவம் கொடுத்தால் மலச்சிக்கல் மட்டுமல்லாமல் இன்னபிற நோய்களையும் சந்திக்க நேரிடும். புதிய பழங்கள் மற்றும் காய்கறிகளை உள்ளடக்கிய நார்ச்சத்து நிறைந்த உணவைப் பின்பற்றுங்கள். இந்த செரிமானத்தில் எந்த பிரச்சனையும் இருக்காது.

3. குறைவாக தண்ணீர் குடிப்பது

பெரும்பாலான சுகாதார நிபுணர்கள், ஒரு இளைஞன் தினமும் 7 முதல் 8 கிளாஸ் தண்ணீர் குடிக்க வேண்டும் என்று கூறுகிறார்கள், ஏனெனில் இது செரிமானத்திற்கும் உடலின் அனைத்து செயல்பாடுகளுக்கும் உதவுகிறது. நீங்கள் நீரேற்றமாக இல்லாவிட்டால் மலச்சிக்கலில் இருந்து விடுபடுவது கடினம்.

4. பதற்றத்தில் இருப்பது

மன அழுத்தம் பல நோய்களுக்கு மூல காரணம், அது மலச்சிக்கலையும் அதிகரிக்கும். மன அழுத்தம் குடல் அசைவுகளில் மாற்றத்தை ஏற்படுத்தி, செரிமானத்தில் சிக்கலை உருவாக்கும். இது நாட்பட்ட மலச்சிக்கலுக்கு வித்திடும். எனவே முடிந்தவரை மகிழ்ச்சியாக இருக்க முயற்சி செய்யுங்கள். நீங்கள் யோகா மற்றும் தியானத்தின் உதவியையும் பெறலாம்.

5. போதுமான தூக்கம் வராமல் இருப்பது

நீங்கள் நிம்மதியாக தூங்க முடியாவிட்டால், அல்லது உங்கள் தூக்க முறை ஒழுங்கற்றதாக இருந்தால், அது உங்கள் செரிமான அமைப்புக்கு நல்லதல்ல. இது நேரடியாக குடல் இயக்கத்தில் தாக்கத்தை ஏற்படுத்தி மலச்சிக்கல்லை உருவாக்கிவிடும். ஒருவர் தினமும் குறைந்தபட்சம் 8 மணி நேரமாவது தூங்க வேண்டும். அதற்கும் குறைவாக தூங்கினால் குடல் இயக்கத்தில் மாற்றம் உருவாகும். இது மலச்சிக்கலை கொண்டு வந்துவிடும்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!