KhaaliJeb செயலி அறிமுகம்; நீங்கள் தெரிந்து கொள்ள வேண்டியது இதோ..!

காலிஜெப் ஆப் (KhaaliJeb App) புதிய செயலி என்றாலும், KhaaliJeb App சில அற்புதமான அம்சங்களை வழங்குகிறது..!

தீவிரமாக கொரோனா தொற்றுநோய் காரணமாக, நாடு முழுவதும் மக்கள் டிஜிட்டல் பரிவர்த்தனைகளை விரும்புகிறார்கள். மேலும், மக்கள் நெரிசலான இடங்களைத் தவிர்க்கிறார்கள். டிஜிட்டல் கொடுப்பனவு சந்தை என்பது நாளுக்கு நாள் வளர்ந்து கொண்டே இருப்பதால், பல வெளிநாட்டு நிறுவனங்கள் கொடுப்பனவு செயலிகளை இந்தியாவில் அறிமுகம் செய்துள்ளன. அதில், google pay, Paytm, PhonePe போன்றவை வெற்றிகரமாக தங்களின் சேவைகளை செய்து வருகிறது. இந்தியாவில் டிஜிட்டல் கொடுப்பனவு சந்தையில் இவை பெரும் பங்கைக் கொண்டுள்ளன.

இந்த செயலிகளுக்கு எதிராக போட்டியிடும் முயற்சியில், ஒரு இந்திய பயன்பாடு தடம் பதித்துள்ளது. அது தான் இந்த காலிஜெப் ஆப் (KhaaliJeb App). இது புதிய செயலி என்றாலும், KhaaliJeb App சில அற்புதமான அம்சங்களை வழங்குகிறது.

KhaaliJeb App என்றால் என்ன?

KhaaliJeb App என்பது IIT அலகாபாத் கல்வி நிறுவனத்தின் முன்னாள் மாணவர்களால் உருவாக்கப்பட்ட இலவச கட்டண செயலி ஆகும். இந்த செயலி கோடக் மஹிந்திரா வங்கியால் இயக்கப்படுகிறது மற்றும் UPI அடிப்படையிலான கட்டணங்களை அனுமதிக்கிறது. இந்த செயலியின் மூலம், பயனர்கள் UPI ID அல்லது மொபைல் எண் மற்றும் UPI PIN உதவியுடன் UPI வழியாக பணத்தை அனுப்பலாம் மற்றும் பெறலாம். அதேபோல் காலிஜெப் ஆப் மூலம் மொபைல் அல்லது DTH ரீசார்ஜ், பில்களை செலுத்துதல் போன்ற பலவற்றை செய்ய முடியும். QR குறியீட்டை ஸ்கேன் செய்வதன் மூலமோ அல்லது UPI ID-யை பயன்படுத்துவதன் மூலமாகவோ வணிகர்களுக்கு பணம் செலுத்தவும் இந்த காலிஜெப் ஆப் அனுமதிக்கிறது.

ALSO READ | e-Gopala App: கால்நடை வளர்ப்பு தொடர்பான அனைத்து தகவலும் ஒரு நிமிடத்தில்!!

பயனர்கள் செயலியில் பல வங்கி கணக்குகளைச் சேர்க்கலாம் மற்றும் அவர்களின் வங்கி இருப்புநிலையையும் சரிபார்க்கலாம். இந்த ஆப் பயனர்களை ரூ.1 லட்சம் வரை transfer செய்ய அனுமதிக்கிறது. சுவாரஸ்யமான விஷயம் என்னவென்றால், காலிஜெப் பயனர்கள் Paytm, Google Pay, PhonePe போன்ற பிற UPI பயன்பாடுகள் மூலமாகவும் இன்னொருவருக்கு பணம் செலுத்த அனுமதிக்கிறது.

சிறப்பு அம்சம் என்ன?

காலிஜெப் செயலியில் Student Discount Program எனும் மாணவர் தள்ளுபடி திட்டம் கிடைக்கிறது. இந்த திட்டம் பயனர்கள் 29 வயதிற்கு உட்பட்டவர்களாக இருந்தால், பல்வேறு பிராண்டுகளிலிருந்து பிரத்யேக தள்ளுபடிகள் மற்றும் பிற சலுகைகளைப் பெற அனுமதிக்கிறது. இந்த செயலியில் சரிபார்ப்புக்கு, பயனர்கள் தங்கள் பெயர், பாலினம், DOB மற்றும் சரிபார்ப்பு ID யை உள்ளிட வேண்டும். மேலும், அது அவர்களின் மார்க் ஷீட்ஸ் மற்றும் பிற ஆவணங்களையும் கேட்கும்.

மற்ற சுவாரஸ்யமான அம்சம் கேமிங். ‘பிளே அண்ட் இயர்ன்’ பிரிவு பயனர்களை காலிஜெப் பயன்பாட்டிற்குள் விளையாடுவதற்கும் வெகுமதிகளைப் பெறுவதற்கும் அனுமதிக்கிறது. இந்த அம்சம் Gamezop.com மூலம் இயக்கப்படுகிறது மற்றும் பயனர்கள் பல கேம்களை விளையாடுவதன் மூலம் பணம் சம்பாதிக்கலாம்.

பதிவிறக்கம் செய்து நிறுவுவது எப்படி?

இப்போதைக்கு, காலிஜெப் ஆண்ட்ராய்டு பயனர்களுக்கு மட்டுமே கிடைக்கிறது. இது விரைவில் iOS-க்காக அறிமுகப்படுத்தப்படும் என்று எதிர்பார்க்கப்படுகிறது. காலிஜெப் பயன்பாட்டைப் பதிவிறக்க, நீங்கள் கீழே குறிப்பிட்ட படிகளைப் பின்பற்ற வேண்டும்.