இந்தியாவில் பெரும்பாலான நகரங்களில், UPI மூலம் கூகுள் பே, போன்பே உள்ளிட்ட செயலிகளை பயன்படுத்தி பணப்பரிவர்த்தனை நடைபெற்றுகிறது. முக்கிய நகரங்கள் தொடங்கி கிராமங்கள் வரை ஆன்லைனில் பணப் பரிவர்த்தனை அதிக அளவில் பயன்படுத்தப்பட்டு வருகிறது. இந்நிலையில், மொபைல் பேமெண்ட் தளமான கூகுள் பே இப்போது UPI ஆக்டிவேஷனுக்கு ஆதார் அடிப்படையிலான அடையாளத்தை ஏற்றுக் கொள்ளும் என கூறியுள்ளது. கூகுள் பே பயனர்கள் இப்போது தங்கள் UPI PIN ஐ டெபிட் கார்டு இல்லாமலேயே அமைக்கலாம். UPI க்கு ஆதாரைப் பயன்படுத்தி தேசிய கொடுப்பனவு கழகம் ஆஃப் இந்தியா (NPCI) மூலம் பதிவு செய்யலாம். ஒரு சில வங்கிகளின் வாடிக்கையாளர்களுக்கு மட்டுமே தற்போது இந்த அம்சத்தை அணுக முடியும். ஆனால், மேலும் வங்கிகள் விரைவில் இந்த அம்சத்தை பின்பற்றும் என்று நிறுவனம் எதிர்பார்க்கிறது.
GooglePay வெளியிட்டுள்ள அறிக்கை:
“ஆதார் அடிப்படையிலான UPI ஆன்போர்டிங் ஃப்ளோ மூலம், Google Pay பயனர்கள் டெபிட் கார்டு இல்லாமலேயே UPI பின்னை (UPI PIN) அமைக்க முடியும். நூறாயிரக்கணக்கான இந்தியப் பயனர்கள் UPI பயன்படுத்தி வரும் நிலையில், இந்த அம்சத்தின் மூலம் பல பயனர்களுக்கு UPI ஐடிகளை அமைத்து டிஜிட்டல் முறையில் பணம் செலுத்த உதவும் என்று எதிர்பார்க்கப்படுகிறது,” என்று GooglePay ஒரு அறிக்கையில் தெரிவித்துள்ளது.
மேலும் படிக்க | ஜாக்பாட் திட்டம்... மலிவு விலையில் மருந்துகள் - கூடவே வேலைவாய்ப்பும்!
குறிப்பிட வேண்டிய விதிகள்:
1. பயனர்கள் வழங்கப்படும் விருப்பங்களில் ஒன்றைத் தேர்ந்தெடுக்க வேண்டும்.
2. ஆதார் வழியாக UPI ஐப் பயன்படுத்த பயனர்கள் தங்கள் வங்கிக் கணக்கை அவர்களின் ஆதாருடன் இணைக்க வேண்டும் மற்றும் UIDAI இல் பதிவுசெய்யப்பட்ட அவர்களின் தொலைபேசி எண்ணை வைத்திருக்க வேண்டும்.
Google Pay உதவி ஒரு அறிக்கையில், “UPI எண் என்பது உங்கள் UPI ஐடியின் வங்கி சரிபார்க்கப்பட்ட ஃபோன் எண் அடையாளம் காட்டியாகும். பயனர்கள் எந்த செயலியில் இருந்தாலும், அவர்களிடமிருந்து பணத்தைப் பெற, இந்த எண் உங்களுக்கு அனுமதி அளிக்கிறது. UPI ஐடிக்கு மூன்று UPI எண்கள் வரை உருவாக்கலாம். இது உங்கள் ஃபோன் எண்ணாக இருக்கலாம் அல்லது நீங்கள் தேர்ந்தெடுக்கும் 8-10 இலக்க எண் ஐடியாக இருக்கலாம்.
UPI எண்ணை ஏற்படுத்துவதற்கான வழிமுறைகள்:
1. மேல் வலது மூலையில் உள்ள உங்கள் சுயவிவரப் படத்தைக் கிளிக் செய்யவும்.
2. "Payment Methods" என்பதைக் கிளிக் செய்து, UPI எண்ணை உருவாக்க விரும்பும் வங்கிக் கணக்கைத் தேர்வு செய்யவும்.
3. மெனுவிலிருந்து "Manage UPI Numbers" என்பதைத் தேர்ந்தெடுக்கவும்.
4. திரையில் காட்டப்படும் வழிமுறைகளுடன் இணங்கவும்.
வாடிக்கையாளர்கள் தங்கள் டெபிட் கார்டு அல்லது ஆதாரைப் இரண்டில் எதை வேண்டுமானாலும் பயன்படுத்தி UPI இல் பதிவு செய்யும் விருப்பம் உள்ளது என்பதையும் கவனத்தில் கொள்ள வேண்டும். வங்கிக் கணக்கு வைத்திருப்பவர் தங்களது ஆதார் எண்ணையும், போன் நம்பரையும் வங்கிக் கணக்கில் இணைப்பதை உறுதி செய்யவும், டிஜிட்டல் பரிவர்த்தனைக்கான பாதுகாப்பை மேம்படுத்தவும் இந்தப் புதிய நடைமுறை உதவியாக இருக்கும்.
கனரா வங்கி, கேரளா கிராமீன் வங்கி, கரூர் வைஸ்யா வங்கி, தமிழ்நாடு மெர்கண்டைல் வங்கி, செண்ட்ரல் பேங்க ஆப் இந்தியா உள்ளிட்ட பல வங்கி கணக்குகளில் இந்த நடைமுறை கொண்டுவரப்பட்டுள்ளது. ICICI வங்கி, ஸ்டேட் பாங்க் ஆப் இந்தியா உள்ளிட்ட சில வங்கிக் கணக்குகளுக்கு இந்த நடைமுறை இன்னும் வரவில்லை. கூடிய விரைவில் அனைத்து வங்கிகளும் இதில் சேர்க்கப்படும் என்றும் இந்த நடைமுறை கட்டாயமாக்கப்படும் என்றும் எதிர்பார்க்கப்படுகிறது.
இதற்கிடையில், கடந்த ஆண்டு சர்வதேச டிஜிட்டல் பண பரிவர்த்தனையில் இந்திய முதலிடம் பிடித்துள்ளது. கடந்த 2022ம் ஆண்டு இந்தியாவில் 8.95 கோடி டிஜிட்டல் பணபரிவர்த்தனை மேற்கொள்ளப்பட்டுள்ளது. டிஜிட்டல் பணபரிவர்த்தனையில் முன்னணியில் இருக்கும் முதல் 5 நாடுகளில் இந்திய முதலிடம் பிடித்துள்ளது. இதனை அடுத்து, 2.92 கோடி டிஜிட்டல் பணப்பரிவர்த்தனையுடன் பிரேசில் இரண்டாம் இடத்திலும், 1.76 கோடி டிஜிட்டல் பண பரிவர்த்தனையுடன் சீனா மூன்றாம் இடத்திலும், 1.65 கோடி டிஜிட்டல் பணப்பரிவர்த்தனையுடன் தாய்லாந்து நான்காம் இடத்திலும், 80 லட்சம் டிஜிட்டல் பணப்பரிவர்த்தனையுடன் தென் கொரியா ஐந்தாம் இடத்திலும் உள்ளன என்பது குறிப்பிடத்தக்கது.
மேலும் படிக்க | ரயில் பயணிகளுக்கு அதிர்ச்சி செய்தி! நாளை முதல் ரயில்களில் மிகப்பெரும் மாற்றம்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
