கின்னஸ் பக்ரூ என கேரள திரையுலகில் செல்லமாக அழைக்கப்படும் அஜய் குமார், ஒரே நாளில் மூன்று சாதனை புத்தகத்தில் இடம்பெற்று ஆச்சரியப்படுத்தியுள்ளார்!
7-ஆம் அறிவு, டிஷ்யும், அற்புதத் தீவு போன்ற தமிழ் படங்களின் மூலம் தமிழ் திரையுலகிற்கு பரிட்சையமானவர் கின்னஸ் பக்ரூ. இவர் ஏற்கனவே முன்னணி கதாப்பாத்திரம் ஏற்ற 'மிக குறுகிய உயரம்' கொண்ட நடிகர் என 2008-ஆம் ஆண்டு கின்னஸ் புத்தகத்தில் இடம்பெற்றார். இதனையடுத்து கடந்த 2013-ஆம் ஆண்டு 'மிக குறுகிய உயரம்' கொண்ட இயக்குனர் என்னும் சாதனையினை படைத்தார்.
இந்நிலையில் தற்போது 'மிக குறுகிய உயரம்' கொண்ட நடிகர் என்னும் பிரிவில் 3 சாதனைப் புத்தகங்களில் இடம்பெற்றுள்ளார்.
41-வயது நடிகரான இவர் யுனிவர்சல் ரெக்கார்ட்ஸ் போர்யும், லிம்கா ரெகார்ட்ஸ் மற்றும் பெஸ்ட் ஆப் இந்தியா ரெக்கார்ட்ஸ் புக் ஆகிய மூன்று புத்தகங்களில் இவரது பெயர் பதியப்பட்டுள்ளது.
தமிழ், மலையாளம் என தென்னிந்திய திரைப்பட ரசிகர்களால் மிகவும் கவனிக்கப்படும் இவர் தற்போது 5 சாதனைகளுக்கு சொந்தகாரர். இவர் தற்போது 'இளையராஜா' என பெயரிடப்பட்டுள்ள மலையாள திரைப்படத்தில் நடிக்க ஒப்பந்தம் ஆகியுள்ளது குறிப்பிடத்தக்கது. இப்படம் வரும் ஏப்ரல் 27 முதல் திருசூரில் படம்பிடிக்கவுள்ளது குறிப்பிடத்தக்கது!
