ஹரிஷ் கல்யாண்-இவானா ஆகியோர் நடித்துள்ள லெட்ஸ் கெட் மேரீட் திரைப்படமும் சந்தானம் நடித்துள்ள டிடி ரிட்டர்ன்ஸ் திரைப்படமும் இன்று வெளியாகியுள்ளது. இதில் எந்த படத்திற்கு ரசிகர்கள் அதிக வரவேற்ப்பு கொடுத்துள்ளனர்.? எந்த படத்தை தியேட்டரில் போய் பார்க்கலாம்..?
லெட்ஸ் கெட் மேரீட்:
கிரிக்கெட் வீரர் தோனியின் தயாரிப்பில் இன்று வெளியாகியுள்ள படம், லெட்ஸ் கெட் மேரீட் (Let’s Get Married). இந்த படத்தில் நதியா, இவானா, ஹரீஷ் கல்யாண், யோகி பாபு உள்ளிட்ட பலர் நடித்துள்ளனர். தோனி எண்டர்டெயின்மன்ட் நிறுவனத்தின் முதல் தயாரிப்பாக உருவான படம் இது. காதலனை கைப்பிடிக்கும் முன்னர் தனது மாமியார் குறித்து தெரிந்து கொள்ள நினைக்கும் நாயகிக்கும் அவரது வருங்கால மாமியாருக்கும் இடையே நடக்கும் சாகச நிகழ்வுகள்தான் படம்.
விமர்சனம்..
எல்.ஜி.எம் திரைப்படம் இன்று வெளியானதை தொடர்ந்து தோனி ரசிகர்கள் உள்பட பலர் இந்த படத்தை பார்க்க தியேட்டருக்கு படையெடுத்தனர். படத்தை இதுவரை பார்த்தவர்கள் கொடுத்திருந்த விமர்சனங்களின் படி, இது பெரிதாக ரசிகர்களை ஈர்க்கவில்லை என்பது தெள்ளத்தெளிவாக தெரிந்திருந்தது. முதல் பாதியில் பெரும்பாலும் ஈர்க்கும் வகையில் டைலாக்குகளே இல்லை எனவும் அடுத்த பாதி ‘எப்போது முடியும்’ என்பது போன்ற நினைவுடன் செல்வதாகவும் ரசிகர்கள் தெரிவித்துள்ளனர். சிலர், “ட்ரைலரை பார்த்து விட்டு வீட்டில் இருப்பது நலம்..” என்ற விமர்சனத்தை கொடுத்துள்ளனர்.
டிடி ரிட்டர்ன்ஸ்..
நகைச்சுவை நடிகராக தமிழ் சினிமாவில் வலம் வந்த சந்தானம் கதாநாயகனாக நடிக்க ஆரம்பித்த பிறகு நடித்த முதல் பேய் படம், தில்லுக்கு துட்டு. இதையடுத்து இவருக்கு பேய் கான்சப்ட் வர்க் அவுட் ஆக, இதன் இரண்டாம் பாகத்திலும் நடித்தார். இந்த படத்தையடுத்த சந்தானம் ஹீரோவாக நடித்துள்ள காமெடி-திகில் படம்தான் டிடி ரிட்டர்ன்ஸ். இப்படத்தினை எஸ்.பிரேமானந்த் இயக்கியுள்ளார். சந்தானத்துக்கு ஜோடியாக நடிகை சுரபி நடித்துள்ளார். ரெடின் கிங்க்ஸ்லீ, ‘நான் கடவுள்’ ராஜேந்திரன் உள்ளிட்ட பலர் இதில் நடித்துள்ளனர். ஊருக்கு ஒதுக்குப்புறமாக இருக்கும் பங்களா..அங்கே இருக்கும் பேய்கள்..மாட்டிக்கொள்ளும் கதாநாயகனும் அவனது சகாக்களும்..இதுதான் படத்தின் கதை.
விமர்சனம்..
டிடி ரிட்டர்ன்ஸ் படத்தின் பத்திரிக்கையாளர்களுக்கான ஷோ நேற்று நடைப்பெற்றது. இதில் அனைத்து ஊடகத்தினரும் படம் நன்றாக இருப்பதாக தம்ஸ்-அப் கொடுத்துள்ளதை அடுத்து சமூக வலைதளங்களிலும் படத்திற்கு பாசிடிவ் விமர்சனங்கள் பறந்தன. இந்த நிலையில், படம் இன்று வெளியானதை தொடர்ந்து ரசிகர்களும் படத்தை பார்த்துவிட்டு நல்ல விமர்சனங்களையே கொடுத்துள்ளனர். காமெடி வசன விருந்து படத்தில் நிறைந்துள்ளதாக படத்தை பார்த்தவர்கள் கூறி வருகின்றனர்.
எந்த படத்தை பார்க்கலாம்..?
தோனியின் தயாரிப்பில் வெளியாகியுள்ள லெட்ஸ் கெட் மேரீட் திரைப்படம் ரசிகர்களை பெரிதும் ஈர்க்க தவறியுள்ளது. அதே சமயத்தில் பெரிதும் எதிர்பார்ப்புகளின்றி வெளியான ‘டிடி ரிட்டர்ன்ஸ்’ திரைப்படம் ரசிகர்களை நன்கு கவர்ந்துள்ளது. சந்தானத்தை மீண்டும் நகைச்சுவை நடிகராக வரச்சொல்லி கேட்டுக்கொண்டிருந்த ரசிகர்களே, அவரை டிடி ரிட்டர்ன்ஸ் படம் போல நல்ல கதைகளை தேர்ந்தெடுத்த நடிக்க சொல்லி கூறிவருகின்றனர். மொத்தத்தில் நீங்கள் குடும்பத்துடன் சேர்ந்து படம் பார்க்க விரும்பினால் டிடி ரிட்டர்ன்ஸ் படத்தை பார்க்கலாம். பரம தோனி ரசிகராக இருந்தால் லெட்ஸ் கெட் மேரீட் படத்திற்கும் சென்று வாருங்கள். இந்த படம் பெரும் நெகடிவ் விமர்சனங்களில் நனைந்து வருகிறது என்பதை நினைவில் வைத்துக்கொள்ளுங்கள்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
