Diwali 2024 Tamil Movies Ticket Pre Booking Sales : தமிழ் சினிமாவை பொருத்தவரை பண்டிகை சமயங்களில் பல பெரிய ஹீரோக்களின் திரைப்படங்கள் வெளியாகும். இந்த வருடமும் அதே போல தீபாவளி பண்டிகை முன்னிட்டு மூன்று பெரிய ஹீரோக்களின் தமிழ் திரைப்படங்கள் ரிலீசாக இருக்கின்றன. இந்த படங்களின் டீசர் மற்றும் ட்ரெய்லர்கள் ரசிகர்கள் மத்தியில் வரவேற்பை பெற்ற நிலையில், இதனை திரையரங்குகளில் காண சினிமா விமர்சகர்கள் மட்டுமின்றி பொதுமக்களும் ஆர்வமுடன் காத்துக் கொண்டிருக்கின்றனர்.
ப்ளடி பெக்கர்:
தமிழ் திரை உலகில் வளர்ந்து வரும் ஹீரோவாக இருப்பவர் கவின். சின்னத்திரையில் இருந்து பெரிய திரைக்கு வந்து இன்று பல இளம் ரசிகர்களை பெற்ற ஸ்டாராக விளங்குகிறார். இவர் நடித்திருக்கும் ப்ளடி பெக்கர் திரைப்படம் தீபாவளி தினத்தன்று (அக்டோபர் 31) வெளியாக இருக்கிறது. இந்த படத்தை புதுமுக இயக்குனரான சிவ பாலன் முத்துக்குமார் இயக்கியிருக்கிறார். பிரபல இயக்குனர் நெல்சன் திலீப்குமார் இந்த படத்தை முதன்முறையாக தயாரித்திருக்கிறார்.
பிச்சை எடுக்கும் ஒருவன் எதிர்பாரா விதமாக கொலைகார கும்பலிடம் சிக்கிக் கொள்கிறான். அதன் பிறகு என்ன நடந்தது என்பது இப்படத்தின் கதையாக இருக்கிறது. டார்க் காமெடி பாணியில் உருவாகி இருக்கும் இந்த படத்தை பார்க்க ரசிகர்கள் ஆவலுடன் காத்துக் கொண்டுள்ளனர். இந்த படத்திற்கான ப்ரீ புக்கிங் ஆரம்பிக்கப்பட்டது. இதன் டிக்கெட்டுகள் தற்போது வேகமாக முன்பதிவு செய்யப்பட்டு வருகின்றன. ஒரு சில திரையரங்குகளில் எந்த படத்திற்கு 9:00 மணி காட்சி முதல் காட்சியாக கொடுக்கப்பட்டுள்ளது. சில தியேட்டர்களில் இந்த படத்திற்கான காட்சிகள் ஹவுஸ் ஃபுல் ஆகி வரும் நிலையில் ஒரு சில தியேட்டர்களில் டிக்கெட்டுகள் விற்கப்படாமல் இருக்கின்றன. விமர்சனங்கள் அடிப்படையில் மேலும் இந்த ப்ரீ புக்கிங் அல்லது டிக்கெட் விற்பனை அதிகரிக்கும் என எதிர்பார்க்கப்படுகிறது.
பிரதர்:
பிரபல இயக்குனர் எம்.ராஜேஷ் இயக்கத்தில் வெளியாக இருக்கும் படம், பிரதர். ஜெயம் ரவி ஹீரோவாக நடித்திருக்கும் இந்த படத்தில் அவருக்கு ஜோடியாக பிரியங்கா மோகன் நடித்திருக்கிறார். ஜெயம் ரவிக்கு சகோதரியாக பூமிகாவும், தாயாக சரண்யா பொன்வண்ணன் ஆகியோரம் எடுத்திருக்கின்றன. குடும்ப கதையை மையமாக வைத்து எடுக்கப்பட்டிருக்கும் இந்த படம் ரசிகர்களை சிரிக்க வைக்கும் நோக்கில் எடுக்கப்பட்டிருக்கிறது.
பெரிதளவில் ப்ரமோஷன் நிகழ்ச்சிகள் நடத்தப்பட்ட போதிலும் அமரன் மற்றும் ப்ளடி பெக்கர் படத்துடன் ஒப்பிடுகையில் இந்த படத்திற்கு குறைவான தியேட்டர்களில் ஒதுக்கப்பட்டுள்ளதாக கூறப்படுகிறது. ஒரு சில தியேட்டர்களில் இப்படத்திற்கான டிக்கெட்டுகள் பெரும்பாலும் விற்கப்பட்டு விட்ட நிலையில் ஒரு சில தியேட்டர்களில் இன்னும் பெரிதளவில் ப்ரீ புக்கிங் செய்யப்படாமல் இருக்கின்றன.
மேலும் படிக்க | விஜய்யை தொடர்ந்து அரசியலுக்கு வருகிறாரா சிவகார்த்திகேயன்? அவரே சொன்ன பதில்!
அமரன்:
வரவிருக்கும் மூன்று படங்களில் பெரிய படமாக பார்க்கப்படுகிறது அமரன். சிவகார்த்திகேயன் ஹீரோவாக நடித்திருக்கும் இந்த படத்தில் அவருக்கு ஜோடியாக சாய்பல்லவி நடித்திருக்கிறார். 2014 ஆம் ஆண்டு நடைபெற்ற புல்வாமா தாக்குதலை அடிப்படையாக வைத்து எடுக்கப்பட்டிருக்கும் இப்படத்தில் உண்மை கதாபாத்திரமான மேஜர் முக்குல் வரதராஜன் கேரக்டரில் சிவகார்த்திகேயன் நடித்திருக்கிறார். அவரது மனைவி இந்து ரெபேக்கா வர்கீஸ் பாத்திரத்தில் சாய் பல்லவி வருகிறார்.
கமல்ஹாசன் தயாரித்திருக்கும் இந்த படத்தை ராஜ்குமார் பெரியசாமி இயக்கியிருக்கிறார். தமிழ், தெலுங்கு, மலையாளம், கன்னடம் உள்ளிட்ட மொழிகளில் வெளியாகி இருக்கும் இந்த படத்தை பார்க்க தமிழகம் மட்டுமன்றி தென்னிந்திய ரசிகர்கள் அனைவரும் அதீத ஆர்வம் காட்டி வருகின்றனர். இந்த படத்தின் டிக்கெட்டுகள் ப்ரீ-புக்கிங் ஆரம்பிக்கப்பட்ட சில மணி நேரங்களில் மடமடவென ஹவுஸ் ஃபுல் ஆகத்தொடங்கின. ஒரு சில தியேட்டர்களில் மட்டும் இன்னும் டிக்கெட்டுகள் விற்கப்படாமல் இருக்கின்றன.
சிங்கப்பூர் டிக்கெட் விற்பனை நிலவரம்..
சிங்கப்பூரில் 3 படங்களின் டிக்கெட் விற்பனை குறித்த தகவல் வெளியாகி இருக்கிறது. அமரன் படம், சுமார் ரூ.11.8 லட்சம் அளவிற்கு டிக்கெட் ப்ரீ-புக்கிங் செய்யப்பட்டுள்ளது. ப்ளடி பெக்கர் படம், ரூ.56,400 வரையும், பிரதர் படம், சுமார் ரூ.29,445 வரையும் ப்ரீ புக்கிங் டிக்கெட்டுகள் விற்கப்பட்டுள்ளதாக தகவல்கள் வெளியாகி இருக்கிறது.
மேலும் படிக்க | தீபாவளிக்கு திரைக்கு வரும் 6 பெரிய படங்கள்!! முழு லிஸ்ட் இதோ..
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
