Sani Peyarchi Palangal: இன்னும் சில நாட்களில் புத்தாண்டு பிறக்கவுள்ளது. புத்தாண்டில் நடக்கவுள்ள சனி பெயர்ச்சியின் தாக்கத்தால் அதிகப்படியான நன்மைகளை அடையவுள்ள அதிர்ஷ்ட ராசிகளை பற்றி இந்த பதிவில் காணலாம்.
Sani Peyarchi Palangal: அனைத்து கிரகங்களிலும் சனி பகவான் மிக முக்கியமான கிரகமாக கருதப்படுகிறார். அவர் அனைத்து ராசிகளிலும் அதிக காலத்திற்கு இருப்பதால், ராசிகளில் அவரது தாக்கமும் அதிகமாக இருக்கின்றது. மார்ச் மாதம் சனி பகவான் மீன ராசியில் பெயர்ச்சி ஆகவுள்ளார். இதன் தாக்கம் அனைத்து ராசிகளிலும் காணப்படும். எனினும், சில ராசிகளில் இதனால் அபரிமிதமான நன்மைகள் ஏற்படும். அவர்களுக்கு இது பொற்காலமாய் இருக்கும். அந்த அதிர்ஷ்ட ராசிகளை பற்றி இந்த பதிவில் காணலாம்.
மனிதர்கள் செய்யும் செயல்களுக்கு ஏற்ப பலன்களை அளிக்கும் சனி பகவான் நீதியின் கடவுள் என அழைக்கபடுகிறார். அனைத்து கிரகங்களிலும் அவர் மிக முக்கியமான கிரகமாக பார்க்கப்படுகிறார்.
தற்போது தனது சொந்த ராசியான கும்ப ராசியில் இருக்கும் சனி பகவான் 2025 மார்ச் மாதம் குரு பகவானின் ராசியான மீன ராசியில் பெயர்ச்சி ஆகவுள்ளார். இந்த சனி பெயர்ச்சி 2025 ஆம் ஆண்டின் மிக முக்கியமான ஜோதிட நிகழ்வாக பார்க்கப்படுகின்றது.
2025 ஆம் ஆண்டு மார்ச் மாதம் நடக்கவுள்ள சனி பெயர்ச்சியின் தாக்கம் அனைத்து ராசிகளிலும் இருக்கும். எனினும், சில ராசிகளில் இதனால் அதிகப்படியான நன்மைகள் நடக்கும். இவர்களுக்கு இந்த ஆண்டு வெற்றிகரமானதாக இருக்கும். அந்த அதிர்ஷ்ட ராசிகளை பற்றி இந்த பதிவில் காணலாம்.
ரிஷபம்: ரிஷப ராசிக்காரர்களுக்கு, மீன ராசியில் சனி பெயர்ச்சி ஒரு வரப்பிரசாதமாக அமையும். லாபத்திற்கான வாய்ப்புகள் அதிகரிக்கும். அலுவலக பணிகளில் உள்ளவர்களுக்கு பதவி உயர்வும் ஊதிய உயர்வும் கிடைக்க வாய்ப்புள்ளது. வியாபாரத்தில் லாபம் அதிகரிக்கும். வாழ்வில் இருந்த பிரச்சனைகள் அனைத்தும் விலகும். 2025 ஆம் ஆண்டில் குழந்தைகளால் நல்ல செய்திகள் கிடைக்கும்.
மிதுனம்: மிதுன ராசிக்காரர்களுக்கு சனி பெயர்ச்ச்யின் தாக்கம் சாதகமான பலன்களை அளிக்கும். சனி பெயர்ச்சியின் தாக்கத்தால், மிதுன ராசிக்காரர்களுக்குப் புத்தாண்டில் தொழில் முன்னேற்றம் ஏற்படும். நிதி நிலைமை வலுப்பெறும். வியாபாரத்தில் புதிய திட்டங்கள் வெற்றி பெறும். திடீர் நிதி ஆதாயம் ஏற்படும். குடும்பம் மற்றும் உறவுகளில் இனிமை இருக்கும். மிதுன ராசிக்காரர்களுக்கு இந்த நேரத்தில் முன்னேற்றமும் செழிப்பும் இருக்கும். நல்ல வருமானம் ஈட்டுவதுடன் திருமண வாழ்வில் இனிமையும் உண்டாகும்.
மகரம்: மகர ராசிக்காரர்களுக்கு, முதல் மற்றும் இரண்டாம் வீட்டிற்கு அதிபதியான சனி பகவான், மார்ச் 29, 2025க்குப் பிறகு மீன ராசியில் நுழைந்து மூன்றாவது வீட்டில் அமர்வார். சனிப்பெயர்ச்சியால் கடந்த பல வருடங்களாக வாட்டி வதைத்த தொல்லைகள் நீங்கும். இது மகர ராசிக்காரர்களுக்கு மிகவும் மங்களகரமானதாக இருக்கும். வெளியூர் பயணம் செய்யும் வாய்ப்பும் கிடைக்கும்.
கும்பம்: 2025 ஆம் ஆண்டில், சனி பகவானின் பரிபூரண அருள் கும்ப ராசிக்காரர்களுக்கு கிடைக்கும். குடும்பத்தில் மகிழ்ச்சியும் அமைதியும் இருக்கும். குழந்தைகள் மூலம் நல்ல செய்திகள் கிடைக்கும். நிதி நிலையில் தொடர்ந்து முன்னேற்றம் இருக்கும்.
ஏழரை சனி: சனிக்கிரக தோஷம் மற்றும் ஏழரை சனியால் பாதிக்கப்பட்டுள்ளவர்கள் பரிகாரம் செய்ய நம் நாட்டில் பல இடங்களில் சனி பகவானின் பல கோயில்கள் உள்ளன. இவற்றில் திருநள்ளாறு ஸ்ரீ சனீஸ்வர பகவான் கோவில் மிகவும் பிரசித்தி பெற்றது. இங்கே அருள் புரியும் சனி பகவானை வழிபடுபவர்களுக்கு சனி தோஷம் நிவர்த்தியாகி, சனி அருளால் நன்மைகள் ஏற்பட்டு நீண்ட ஆயுள் கிடைக்கும் என்பது ஐதீகம்.
சனி பகவானின் பரிபூரண அருள் பெற, “ஓம் ப்ரம் ப்ரீம் ப்ரௌம் ஷக் சனைச்சராய நமஹ” என்ற சனி மூல மந்திரத்தை ஜபிப்பதும் நல்ல பலன்களை அளிக்கும். மேலும், 'நீலாஞ்ஜன ஸமாபாஸம், ரவிபுத்ரம் யமாக்ரஜம்; ச்சாயா மார்த்தாண்ட ஸம்பூதம், தம் நமாமி சனைச்சரம்' என்ற ஸ்தோத்திரத்தையும் தினமும் கூறலாம்.
பொறுப்பு துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் அமைந்துள்ளன. ஜீ மீடியா இந்த தகவல்களை உறுதிப்படுத்தவில்லை.
