Champions Trophy 2025, Top Wicket-Taker List: ஐசிசி சாம்பியன்ஸ் டிராபி 2025 தொடர் கிரிக்கெட் போட்டிகள் விறுவிறுப்பாகவும் உற்சாகமாகவும் நடைபெற்று வருகிறது. உலகின் எட்டு முன்னணி அணிகள் பட்டத்திற்காகப் போராடுவதால், போட்டியின் முடிவுகளைத் தீர்மானிப்பதில் பந்து வீச்சாளர்களின் பங்கு மிகவும் முக்கியமானதாக இருக்கிறது. பேட்ஸ்மேன்கள் பெரும்பாலும் கவனத்தை ஈர்க்கிறார்கள் என்றாலும், பந்து வீச்சாளர்களின் விக்கெட் எடுக்கும் திறன்தான் ஒரு ஆட்டத்தின் வெற்றி தோல்வியை முடிவு செய்வதாக உள்ளது. இதனால் அவர்கள் உண்மையான வெற்றியாளர்களாக மாறுகிறார்கள்.
ஐசிசி சாம்பியன்ஸ் டிராபி போட்டிகளில் அனைத்து வடிவங்களிலும் மிகவும் திறமையான மற்றும் ஆபத்தான பந்து வீச்சாளர்கள் இடம் பெற்று இருப்பதால், அதிக விக்கெட் வீழ்த்துபவர்களுக்கான போட்டி மிக தீவிரமாக இருக்கிறது. வேகம் மற்றும் துல்லியத்திற்கு பெயர் பெற்ற அனுபவம் வாய்ந்த வேகப்பந்து வீச்சாளர்கள் முதல் சிறந்த பேட்டர்களைக் கூட ஏமாற்றக்கூடிய திறமையான சுழற்பந்து வீச்சாளர்கள் வரை, ஒவ்வொரு அணியும் தங்கள் பந்துவீச்சு தாக்குதலை நம்பி ஒரு மாற்றத்தை ஏற்படுத்தும் முயற்சியில் உள்ளது.
பல ஆண்டுகளாக, சாம்பியன்ஸ் டிராபி வரலாற்றில் குறிப்பிடத்தக்க போட்டிகளில் பல புகழ்பெற்ற பந்து வீச்சாளர்கள் தங்கள் பெயர்களைப் பொறித்துள்ளனர். அதேபோல இந்தமுறையும் பந்து வீச்சாளர்கள் தங்கள் திறமையை வெளிப்படுத்துவதை பார்க்க மிகவும் சுவாரஸ்யமாக இருக்கும். பல போட்டியாளர்கள் அதிக விக்கெட் வீழ்த்திய இடத்தை நோக்கி முன்னேறி சென்று தங்கள் அணிக்கு பெருமை சேர்க்க நம்பிக்கையுடன் உள்ளனர்.
2025 ஐசிசி சாம்பியன்ஸ் டிராபியில் அதிக விக்கெட் வீழ்த்தியவர்களின் பட்டியல் குறித்து பார்ப்போம்.
| வீரர்கள் | விக்கெட்டுகள் | போட்டி | ஓவர்கள் | ரன்கள் |
| முகமது ஷமி (இந்தியா) | 5 | 1 | 10 | 53 |
| ஹர்ஷித் ராணா (இந்தியா) | 3 | 1 | 7.4 | 31 |
| காகிசோ ரபாடா (சவூத் ஆப்பரிக்கா) | 3 | 1 | 8.3 | 36 |
| வில் ஓ'ரூர்க் (நியூசிலாந்து) | 3 | 1 | 9 | 47 |
| பென் த்வார்ஷுயிஸ் (ஆஸ்திரேலியா) | 3 | 1 | 10 | 66 |
| மிட்செல் சாண்ட்னர் (நியூசிலாந்து) | 3 | 1 | 10 | 66 |
| மேட் ஹென்றி (நியூசிலாந்து) | 2 | 1 | 7.2 | 25 |
| வியான் முல்டர் (சவூத் ஆப்பரிக்கா) | 2 | 1 | 9 | 36 |
| ரிஷாத் ஹொசைன் (பங்களாதேஷ்) | 2 | 1 | 10 | 30 |
| மார்னஸ் லாபுசாக்னே (ஆஸ்திரேலியா) | 2 | 2 | 5 | 41 |
2025 சாம்பியன்ஸ் டிராபி துபாயில் நடந்த வங்கதேசத்திற்கு எதிரான போட்டியின் போது, இந்தியாவின் வேகப்பந்து வீச்சாளர் முகமது ஷமி 50 ஓவர் ஐசிசி போட்டிகளில் அதிக விக்கெட் வீழ்த்தியதன் மூலம் இந்திய வரலாற்றில் தனது பெயரைப் பொறித்தார்.
வங்கதேசத்திற்கு எதிராக ஷமி ஐந்து விக்கெட் வீழ்த்தி தனது மொத்த எண்ணிக்கையை 60 ஆக உயர்த்தினார். இந்த சாதனையின் மூலம், 32 இன்னிங்ஸ்களில் 59 விக்கெட் வீழ்த்திய ஜாகீர் கானை பின்னுக்கு தள்ளினார். அதாவது ஷமி தனது 19வது இன்னிங்ஸில் இந்த மைல்கல்லை எட்டியுள்ளார்.
மேலும் படிக்க - "நாட்டுக்காக விளையாடவில்லை".. ஸ்டார் பேட்டரை கடுமையாக விமர்சித்த அஸ்வின்!
மேலும் படிக்க - இந்திய அணி பிளேயிங் லெவனில் இவரை சேர்த்தால்... பாகிஸ்தான் பஞ்சர் ஆகிடும் - ஏன்?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
