புதுடெல்லி: 54 சீன செயலிகளை இந்திய அரசு விரைவில் தடை செய்ய உள்ளதாக செய்தி நிறுவனமான ஏஎன்ஐ ட்விட்டரில் ட்வீட் மூலம் தெரிவித்துள்ளது. இந்த ஆப்கள் நாட்டின் பாதுகாப்புக்கு அச்சுறுத்தல் ஏற்படுத்தும் என அரசு கருதுவதாகவும், எனவே இவற்றை தடை செய்வதற்கான உத்தரவு விரைவில் வெளியிடப்படும் என்றும் வட்டாரங்கள் தெரிவிக்கின்றன. இந்த பயன்பாடுகளில் AppLock மற்றும் Garena Free Fire போன்ற பல பிரபலமான பயன்பாடுகள் உள்ளன.
இந்த செயலிகளை அரசாங்கம் தடை செய்துள்ளது
54 சீன செயலிகளை அரசாங்கம் தடை செய்வதாக கூறியுள்ளதாக ட்வீட் செய்து ஏஎன்ஐ தகவலை வெளியிட்டுள்ளது. இதன் பின்னணியில் நாட்டின் பாதுகாப்பு சம்பந்தப்பட்டதாக கூறப்படுகிறது. சீனாவிற்கும் இந்தியாவிற்கும் இடையிலான இறுக்கமான சூழ்நிலையில், இந்த 54 சீன பயன்பாடுகள் நாட்டின் பாதுகாப்பிற்கு அச்சுறுத்தலாக இருக்கலாம், எனவே அவற்றைத் தடை செய்வது அவசியம் என்று அரசாங்கம் நம்புகிறது.
மேலும் படிக்க | TikTok உள்ளிட்ட பிற சீன செயலிகளுக்கு இந்தியாவில் தடை தொடரும்..!
Govt of India to ban 54 Chinese apps that pose a threat to India’s security: Sources
— ANI (@ANI) February 14, 2022
இந்த பெயர்கள் தடைசெய்யப்பட்ட பயன்பாடுகளின் பட்டியலில் சேர்க்கப்பட்டுள்ளன
தற்போது, அரசு தடை விதித்துள்ள அந்த ஆப்களின் பெயர்களின் முழு பட்டியல் வெளியிடப்படவில்லை, ஆனால் வந்துள்ள பெயர்கள் பியூட்டி கேமரா: ஸ்வீட் செல்ஃபி எச்டி, பியூட்டி கேமரா: செல்ஃபி கேமரா, ஈக்வலைசர் மற்றும் பேஸ் பூஸ்டர், கேம்கார்டு ஃபார் சேல்ஸ்ஃபோர்ஸ் ஆன்ட். , ஐசோலண்ட் 2: ஆஷஸ் ஆஃப் டைம் லைட், விவா வீடியோ எடிட்டர், டென்சென்ட் எக்ஸ்ரிவர், ஆப்லாக் மற்றும் டூயல் ஸ்பேஸ் லைட் ஆகியவை அடங்கும்.
தடை செய்யப்பட்ட செயலிகளின் விவரம்
டிக்டாக், Baidu, WeChat, Mi Video Call, SHAREit, Likee, Weibo மற்றும் BIGO Live உள்ளிட்ட சீன செயலிகள் இதில் அடங்கும். மேலும், செப்டம்பர் மாதத்தில் சீன செயலிகள் பப்ஜி உள்பட 118 மொபைல் செயலிகளுக்கு தடை விதித்தது மத்திய அரசு. தற்போது அலிபாபா, கரீனா பிரீ பையர், ஸ்வீட் செல்ஃபி, ப்யூட்டி கேமரா, செல்ஃபி கேமரா, விவா வீடியோ எடிட்டர், டென்சென்ட் ஸ்ரைவர், ஆன்மையோஜி அரேனா, ஆப்லாக், டூயல் ஸ்பேஸ் லைட் உள்ளிட்ட 54 சீன செயலிகளுக்கு தடை விதித்து உத்தரவிட்டுள்ளது.
இந்த 54 சீன செயலிகளுக்கும் தடை விதிப்பது தொடர்பான அதிகாரப்பூர்வ தகவலை இந்திய அரசு விரைவில் விரிவாக வெளியிடலாம் என எதிர்பார்க்கப்படுகிறது. இதனால், இந்தியாவில் தடைசெய்யப்பட்ட சீன செயலிகளின் எண்ணிக்கை 200-க்கும் மேலாக அதிகரித்துள்ளது.மேலும் இதுவரை இந்திய பாதுகாப்பிற்கு அச்சுறுத்தலாக உள்ள 270 செயலிகளுக்கு தடை விதிக்கப்பட்டுள்ளது. இதில் 90% விழுக்காட்டுக்கும் அதிகமானவை சீன செயலிகள் என்பது குறிப்பிடத்தக்கது.
மேலும் படிக்க | சீன செயலியான TikTok-ஐ தடை செய்தது Pakistan: தடை நீடிக்குமா? தடம் மாறுமா?
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
