ஸ்மார்ட்போன் பேட்டரி நீடித்து நிற்க சில டிப்ஸ்: நீங்கள் ஸ்மார்ட்போனை இயக்கி தொடர்ந்து கேம்களை விளையாடினாலோ அல்லது திரைப்படம் பார்த்தாலோ, சில மணிநேர பயன்பாட்டிற்குப் பிறகு, பேட்டரி தீர்ந்துவிடும், அதை மீண்டும் சார்ஜ் செய்ய வேண்டும் என்பது பலர் அனுபவிக்கும் பிரச்சனை. இது எத்தனை உயர் ரக போனிற்கும் பொருந்தும். இருப்பினும், உங்கள் ஸ்மார்ட்போனின் பேட்டரி ஆயுளை அதிகரிக்க சில டிப்ஸ்களை கடைபிடிப்பது உங்களுக்கு பெரிதும் உதவியாக இருக்கும்.
செயலிகளின் அப்டேட்
உங்கள் செல்போனில் உள்ள தேவையற்ற செயலிகளை டெலிட் செய்வது சிறந்தது. சில செயலிகளை நாம் பயன்படுத்தவில்லை என்றாலும், இன்டர்நெட் மூலம் இயங்கிக்கொண்டே இருக்கும். அதனால் பேட்டரி சீக்கிரம் தீர்ந்து போக வாய்ப்புள்ளது. அதனால் தேவையான பயன்படுத்தக்கூடிய செயலிகளை மட்டுமே வைத்துக் கொள்வது நல்லது.
லைவ் வால்பேப்பர்
லைவ் வால்பேப்பர் அதிகம் சார்ஜை உறிஞ்சக்கூடிய ஒன்று. அதனால் லைவ் வால்பேப்பர் எனும் நகரும் வால்பேப்பரை பயன்படுத்துவதை தவிர்ப்பது பலன் தரும். அதேபோல் முடிந்தவரை டார்க் மோடு ஆப்ஷன்களை அதிகம் பயன்படுத்தலாம். பல செயலிகள் டார்க் மோடு ஆப்ஷன்களை கொண்டு வந்துள்ளன. இதனால், சார்ஜ் நீடிக்கும்.
சேமிப்பகத்தை காலி செய்யவும்
உங்கள் ஸ்மார்ட்போனின் சேமிப்பகம் அதிகமாக இருந்தால், அதை உடனடியாக காலி செய்ய வேண்டும், ஏனெனில் இதன் காரணமாக உங்கள் ஸ்மார்ட்போனின் செயலியில் அதிக அழுத்தம் ஏற்பட்டு, பேட்டரி பயன்பாடு மிகவும் அதிகரிக்கிறது. அத்தகைய சூழ்நிலையில், சில மணிநேரங்கள் பயன்படுத்திய பிறகு பேட்டரி தீர்ந்துவிடும். ஆனால் நீங்கள் சேமிப்பகத்தை சுத்தமாக வைத்திருந்தால் பேட்டரி உபயோகத்தை குறைக்கலாம்.
மேலும் படிக்க | Ferrari 296 GT3: ஃபெராரி ரேஸ் காரின் சூப்பர் தோற்றம்: விலை என்ன?
பிரகாசத்தை நடுத்தரமாக வைத்திருங்கள்
உங்களுக்கு அதிக பிரட்னெஸ் தேவையில்லை என்றால், நீங்கள் எப்போதும் பிரகாசத்தை நடுத்தரமாக வைத்திருக்க வேண்டும், ஏனென்றால் முதலில் உங்கள் கண்களை பாதிக்கிறது, மற்றொன்று பேட்டரி நுகர்வு மிக வேகமாக அதிகரிக்கிறது. நீங்கள் பேட்டரியைச் சேமிக்க விரும்பினால், எப்போதும் வெளிச்சத்தை குறைவாக வைத்து, தேவைப்படும்போது மட்டும் அதிக அளவில் அமைக்கவும்.
ஒலியைக் குறைக்கவும்
பிரகாசம் உங்கள் பேட்டரி நுகர்வை அதிகரிப்பது போலவே, ஒலி அளவு அதிகமாக இருந்தால், அது உங்கள் ஸ்மார்ட்போனின் பேட்டரி திறனைக் குறைக்கிறது. எனவே நீங்கள் கேம்களை விளையாடும்போது, வீடியோ அல்லது ஆடியோ கேட்கும் போது, அதைக் குறைவாக அமைக்க வேண்டும். இதனால், பேட்டரி நீண்ட நேரம் நீடிக்கும் மற்றும் நீங்கள் அதை மீண்டும் மீண்டும் சார்ஜ் செய்ய தேவையில்லை. நீங்கள் இந்த உதவிக்குறிப்புகளைப் பின்பற்றினால், உங்கள் ஸ்மார்ட்போனின் பேட்டரி ஆயுள் முன்பை விட 10 சதவிகிதம் நீடிக்கும், மேலும் சில மணி நேரங்களுக்கு அதை நீங்கள் சார்ஜ் செய்ய வேண்டியதில்லை.
மேலும் படிக்க | Long Drive Scooter: நீண்ட தூர பயணத்தை நிஜமாக்கும் சூப்பர் ஸ்கூட்டர்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியை பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
