Red Fort News

இந்தியாவின் சுதந்திர தினத்தை சிறப்பிக்கும் விதமாக கூகுள் நிறுவனம் தனது முதல் பக்கத்தில் உள்ள கூகுள் டூடுலில் இந்திய சின்னத்தை இடம்பெறச் செய்துள்ளது. விடுமுறை தினங்கள், உலக நிகழ்வுகள், சாதனை செய்த மனிதர்களை கொண்டாடும் விதமாக் கூகுள் தனது முகப்பு பக்கத்தில் கூகுள் டூடுலில் வடிவமைக்கப்பட்டு வருகிறது. இந்நிலையில், நாடு முழுவதும் இன்று 71-வது சுதந்திர தினம் கோலாகலமாகக் கொண்டாடப்பட்டு வருகிறது. இந்நிலையில், கூகுள் நிறுவனம் தனது டூடுலில் இந்திய தேசியப் பறவையான மயில் இருபுறமும் வீற்றிருக்க, அதற்க்கு நடுவில் அசோகச் சக்கரமும், மேலே பாராளுமன்றம் கட்டிடம் இடம்பெற்றுள்ளது.

சுதந்திர தின விழா கொண்டாட்டத்தை முன்னிட்டு நாடு முழுவதும் பலத்த பாதுகாப்பு ஏற்பாடுகள் செய்யப்பட்டுள்ளன. தலைநகர் புதுடில்லி முழுவதும் தீவிர கண்காணிப்பு நடவடிக்கைகள் மேற்கொள்ளப்பட்டுள்ளது.

செங்கோட்டையில் உள்ள ஒரு கிணற்றில் கையெறி குண்டு வைக்கப்பட்டிருந்தது கண்டுபிடிக்கப்பட்டது.  நேற்று மாலையில் செங்கோட்டை பகுதியில் வழக்கமான சோதனை பணிகள் மேற்கொள்ளப்பட்ட போது இந்த கையெறி குண்டு கண்டுபிடிக்கப்பட்டு உள்ளது.  இதனையடுத்து  இதனை தொடர்ந்து கூடுதல் போலீசார் மற்றும் வெடிகுண்டு நிபுணர்கள் அங்கு அனுப்பி வைக்கப்பட்டனர். தீவிர சோதனைகள் மேற்கொள்ளப்பட்டன. கையெறி குண்டை செயலிழக்க செய்து, அங்கிருந்து அப்புறப்படுத்தப்பட்டது. பிறகு கையெறி குண்டை விசாரணை நடத்துவதற்காக எடுத்துச் செல்லப்பட்டது.   

சாமானியனின் கனவுகளுக்கும் தேவைகளுக்கும் மத்திய அரசு முக்கியத்துவம் அளிக்கிறது என்று பிரதமர் மோடி கூறிஉள்ளார். இந்திய சுதந்திர தினவிழா இன்று நாடு முழுவதும் உற்சாகத்துடன் கொண்டாடப்படுகிறது. இதையொட்டி பிரதமர் நரேந்திர மோடி, டெல்லி செங்கோட்டை மைதானத்தில் தேசிய கொடியை ஏற்றி வைத்து, நாட்டு மக்களுக்கு சுதந்திர தின உரையாற்றுகிறார்.இந்தியா, வெளிநாடுகளில் வாழும் 125 கோடி இந்தியர்களுக்கு சுதந்திர தின வாழ்த்துக்களை தெரிவித்தார்.