Pushpa 2: అదిరిన పుష్ప 2 ఫస్ట్ లిరికల్ షార్ట్ వీడియో.. పూర్తి పాట విడుదల అప్పుడే..

Pushpa 2 First Lyrical: పుష్ప సినిమాపై ప్రేక్షకులకు ఉన్న అంచనాల గురించి ప్రత్యేకంగా చెప్పనవసరం లేదు. ఈ క్రమంలో అల్లు అర్జున్ ఈ చిత్రం గురించి ఒక లేటెస్ట్ అప్డేట్ తన ట్విట్టర్ లో ఇచ్చి ప్రేక్షకులను సంబరపరిచారు..

Pushpa 2 First Lyrical Glimpse: పుష్ప రెండో భాగం గురించి తెలుగు ప్రేక్షకులే కాకుండా ప్రపంచవ్యాప్తంగా సినిమా అభిమానులు అందరూ ఎంతగానో ఎదురు చూస్తున్నారు. ఆగస్ట్ 15న ఈ సినిమా విడుదల అవుతూ ఉండటంతో ఈ చిత్ర ప్రమోషన్స్ ఇటీవల టీజర్ విడుదలతో మొదలుపెట్టాడు సినిమా యూనిట్. గంగమ్మ జాతర లో పుష్ప ఫైట్ చూపించిన ఈ టీజర్ ప్రపంచవ్యాప్తంగా యూట్యూబ్ లో దూసుకుపోతోంది.

ఈ క్రమంలో ఇప్పుడు ఈ చిత్రం నుంచి మరో అప్డేట్ ఇచ్చేశారు అల్లు అర్జున్. పుష్ప సినిమా ఫస్ట్ లిరికల్ పుష్ప పుష్ప అనే పాట మే 1న విడుదల అవ్వనుంది అని ట్విట్టర్లో షేర్ చేశారు. అయితే ఇందులో ఆకట్టుకునే విషయం ఏమిటి అంటే ఈ పోస్టుతో పాటు ఈ పాట కి సంబంధించి ఈ పాట మొదటి లైన్ ఉందే షార్ట్ వీడియో ని కూడా షేర్ చేశారు. పుష్ప పుష్ప అనే లిరిక్స్ తో సాగి ఈ సాంగ్ మొదటి లైన్ వింటేనే ప్రేక్షకులకు తప్పకుండా ఈ సాంగ్ గూస్ బంప్స్ ఇవ్వనుంది అని అర్థం అయిపోతోంది.

#Pushpa2FirstSingle “Pushpa Pushpa” will be out on May 1st at 11:07 AM.

- https://t.co/O0Jj07ZYZP #Pushpa2TheRule pic.twitter.com/5BMDDIG8ur

— Allu Arjun (@alluarjun) April 24, 2024

ఇక ఈ చిన్న షార్ట్ వీడియోలో పుష్ప తనదైన స్టైల్ లో తగ్గేదేలే అంటూ కనిపించారు. ప్రస్తుతం ఈ పాటకి సంబంధించిన ఈ చిన్న వీడియో సోషల్ మీడియాలో తెగ వైరల్ అవుతూ అల్లు అర్జున్ అభిమానులకు పుష్ప రెండో భాగంపై మరిన్ని అంచనాలను పెంచేసింది.

సుకుమార్ దర్శకత్వంలో వస్తున్న ఈ సినిమాలో రష్మిక మందాన హీరోయిన్ గా నటిస్తుండగా మైత్రి మూవీ మేకర్స్ వారు సినిమాని నిర్మిస్తున్నారు. ఎన్నో రోజుల క్రితమే ఈ చిత్రం ఆగస్టు 15న విడుదల కానుంది అని సినిమా యూనిట్ తెలిపిన సంగతి తెలిసిందే. ఇక ఆ డేట్ కే ఫిక్స్ అయిపోయి ఆగస్టులో పుష్పన్ని రిలీజ్ చెయ్యడానికి సిద్ధమయ్యారు సినిమా యూనిట్. మరి ఈ చిత్రం కూడా మొదటి వార్తలానే బ్లాక్బస్టర్లు సాధిస్తుందా.. లేదా అంతకన్నా పెద్ద విజయం సాధిస్తుందో తెలియాలి అంటే అక్కడి వరకు వేచి చూడాలి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.