Disha Patani act in Prabhas and Deepika Padukone movie Project K: ఇటీవ‌లే పాన్ ఇండియా సినిమా 'రాధేశ్యామ్‌'తో రెబల్ స్టార్ ప్రభాస్ ప్రేక్షకుల ముందుకు వచ్చిన విషయం తెలిసిందే. రాధేశ్యామ్‌ రూపంలో భారీ ఫ్లాప్‌ను అందుకున్న ప్రభాస్.. త‌న తదుపరి సినిమాల‌పై శ్ర‌ద్ధ పెట్టాడు. ప్ర‌స్తుతం యంగ్ రెబల్ స్టార్ చేతిలో నాలుగు సినిమాలు ఉన్నాయి. అందులో 'ప్రాజెక్ట్-కే' (వర్కింగ్‌ టైటిల్‌) ఒక‌టి. మ‌హాన‌టితో బ్లాక్ బాస్టర్ హిట్ అందుకున్న డైరెక్టర్ నాగ్‌ అశ్విన్‌.. ఈ సినిమాకు దర్శకత్వం వహిస్తున్నారు. సైన్స్‌ ఫిక్షన్‌ నేపథ్యంలో ప్రాజెక్ట్-కే రూపుదిద్దుకుంటోంది.
పాన్ ఇండియా సినిమాగా తెర‌కెక్కుతున్న ప్రాజెక్ట్-కే సినిమాలో బాలీవుడ్ స్టార్ దీపికా ప‌దుకొనే హీరోయిన్‌గా నటిస్తుండగా.. బిగ్ బీ అమితాబ్‌ బచ్చన్‌ కీలక పాత్రలో కనిపించనున్న సంగతి తెలిసిందే. తాజాగా ఈ సినిమాలో మరో బాలీవుడ్ భామ దిశా పటానీ కూడా భాగమయ్యారు. ప్రాజెక్ట్-కేలో దిశా ముఖ్య భూమిక పోషించనున్నారు. 'ప్రాజెక్ట్ కే'లోకి స్వాగతం పలుకుతూ చిత్ర నిర్మాణ సంస్థ వైజయంతి మూవీస్.. దిశా పటానీకి ఓ పుష్పగుచ్ఛాన్ని పంపించింది. ఈ విషయాన్ని దిశా ఇన్‌స్టాగ్రామ్‌లో షేర్ చేశారు.
'భారీ ప్రాజెక్ట్‌లో భాగం కావడం చాలా సంతోషంగా ఉంది. ప్రభాస్ సినిమాలో నటించడం చెప్పలేని ఆనందంగా ఉంది' అని బాలీవుడ్ హీరోయిన్ దిశా పటానీ తెలిపారు. వైజయంతి మూవీస్ బ్యాన‌ర్‌పై అశ్వినీద‌త్ ప్రాజెక్ట్-కే సినిమాను రూపొందిస్తున్నారు. దాదాపు 500కోట్ల భారీ బ‌డ్జెట్‌తో ఈ సినిమా తెర‌కెక్కుతోంది. ప్ర‌స్తుతం షూటింగ్ జ‌రుపుకుంటున్న ఈ సినిమా.. వ‌చ్చే ఏడాది ద్వితియార్థంలో విడుద‌ల కానుంది.
దిశా పటానీ తెలుగు ప్రేక్షకులకు కూడా సుపరిచితురాలే. మెగా హీరో వరుణ్ తేజ్ నటించిన 'లోఫర్‌' సినిమాలో దిశా నటించారు. ఆపై బాలీవుడ్ వెళ్లి అక్కడే సెటిల్ అయ్యారు. ఎంఎస్ ధోనీ, బాగీ-2, బాగీ-3 సినిమాల‌తో ఈ అమ్మ‌డి క్రేజ్ విప‌రీతంగా పెరిగింది. ప్ర‌స్తుతం దిశా చేతి నిండా ప్రాజెక్ట్‌ల‌తో తీరిక లేకుండా ఉన్నారు. ఆమె నటించిన ఏక్ విలన్ రిటర్న్స్, యోదా చిత్రాలు విడుద‌ల‌కు సిద్ధంగా ఉన్నాయి. 'కేటినా' షూటింగ్ జ‌రుపుకుంటుంది.
Also Read: SVP Pre Release Event: ఆ సీన్స్ కోసమే ప్రేక్షకులు మళ్లీమళ్లీ థియేటర్‌కి వస్తారు: మహేశ్‌ బాబు
Also Read: Mother's Day 2022: మదర్స్ డే స్పెషల్.. అమ్మకు పంపాల్సిన బెస్ట్ మెసేజ్, కోట్‌లు ఇవే!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
