Chiranjeevi loves this Balakrishna movie : టాలీవుడ్ సినీ ఇండస్ట్రీలో నటసింహ నందమూరి బాలకృష్ణ, మెగాస్టార్ చిరంజీవి ఇద్దరూ కూడా గత కొన్ని దశాబ్దాలుగా తెలుగు సినీ పరిశ్రమలో అగ్ర హీరోలుగా కొనసాగుతున్నారు. బయట వీరిద్దరూ ఎంతో స్నేహంగా ఉన్నప్పటికీ , సినిమాల విషయానికి వచ్చేసరికి బాలయ్య , చిరంజీవి అభిమానుల మధ్య హోరా హోరీ యుద్ధం జరుగుతూనే ఉంటుంది. గత ఏడాది సంక్రాంతి సందర్భంగా వీరసింహారెడ్డి , వాల్తేరు వీరయ్య సినిమాలతో బాక్సాఫీస్ వద్ద వీరిద్దరూ పోటీపడ్డారు. ఇద్దరూ విజేతలుగా నిలిచారు. ముఖ్యంగా వీరిద్దరిని సినిమా వస్తుందంటే చాలు హై వోల్టేజ్ విద్యుత్తు ప్రసారమైనట్లే.
ఇకపోతే సినీ ఇండస్ట్రీలో ఉండే ప్రతి హీరోకి కూడా మరొక హీరో నటించిన సినిమా అంటే ఇష్టం ఉంటుంది. అలా చిరంజీవికి కూడా బాలకృష్ణ సినిమాలంటే కొన్ని బాగా ఇష్టమట. మరి బాలకృష్ణ సినిమాలలో చిరంజీవి మెచ్చిన చిత్రం ఏదంటే సమరసింహారెడ్డి. బి.గోపాల్ దర్శకత్వంలో బాలకృష్ణ హీరోగా నటించిన ఈ చిత్రం మంచి విజయాన్ని సాధించింది. అనేక సందర్భాలలో చిరంజీవి ఈ విషయాన్ని ప్రస్తావించారు కూడా. అంతేకాదు ఇప్పటికే ఎన్నోసార్లు ఈ సినిమా చూశానని తెలిపారు. ముఖ్యంగా ఈ సినిమాతోనే తెలుగు సినిమాల్లో హీరోలు తొడ కొట్టడం ప్రారంభమైందని ఆయన గుర్తు చేశారు. అప్పటివరకు ఉన్న పాత రికార్డులన్నింటినీ కూడా బాలకృష్ణ ఈ సినిమాతో బ్రేక్ చేశారు అంటూ స్పష్టం చేశారు చిరంజీవి.
ఏది ఏమైనా మెగాస్టార్ లాంటి చిరంజీవి మాస్ హీరో బాలకృష్ణ సినిమాలలో ఒకటైన సమరసింహారెడ్డి అంటే తనకు ఇష్టం అని ఎన్నోసార్లు చూశానని చెప్పడం అందరిని ఆశ్చర్యానికి గురిచేసింది. ఇకపోతే ఇదే విషయంపై చిరంజీవి మాట్లాడుతూ.. సమయం బాగోలేనప్పుడు, మనసు కుదురుగా లేనప్పుడు, బోర్ కొట్టినప్పుడు, ఖచ్చితంగా సమరసింహారెడ్డి సినిమా చూస్తాను అంటూ తెలిపారు. అభిమానులకు పూనకాలు తెప్పించడంతోపాటు బాలయ్య సినిమా కెరియర్ కి కూడా ఇది బాగా ఉపయోగపడింది.
ముఖ్యంగా ఆల్టైమ్ ఫేవరెట్ మూవీగా నిలిచిన ఈ సినిమా అప్పట్లోనే 17 కోట్ల రూపాయల షేర్ వసూలు చేసింది. అంతే కాదు అత్యధిక రోజులు ప్రదర్శితమైన సినిమాగా కూడా రికార్డు సృష్టించింది. ఇక ఇద్దరు హీరోల సినిమాల విషయానికొస్తే, ప్రస్తుతం చిరంజీవి డైరెక్టర్ వశిష్ట మల్లిడి దర్శకత్వంలో విశ్వంభర సినిమా చేస్తూ ఉండగా, బాలయ్య బాబీ దర్శకత్వంలో తన 109వ సినిమా చేస్తున్నారు. ఈ రెండు సినిమాలు కూడా వచ్చే యేడాది సంక్రాంతికి పోటీపడనున్నాయి.
Also Read: Big Shock To YSRCP: జగన్‌కు షాక్‌ల మీద షాక్‌.. ఎమ్మెల్సీ పోతుల సునీత రాజీనామా
Also Read: Chandrababu: ఎమ్మెల్యేలపై సీఎం చంద్రబాబు అసహనం.. మీ వలన పరువు పోతుంది!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
