Rashmika Mandanna in Pushpa 2: అల్లు అర్జున్ హీరోగా సుకుమార్ దర్శకత్వంలో తెరకెక్కిన పుష్ప మొదటి భాగం అటు అల్లు అర్జున్ ఇటు సుకుమార్ కు ఎంత క్రేజ్ తీసుకొచ్చిందో రష్మిక మందనాకి కూడా అదే క్రేజ్ తీసుకొచ్చింది. ఒక రకంగా నార్త్ లో కూడా ఆమె క్రేజ్ రెండింతలు అవ్వడానికి ఈ సినిమా కూడా ఉపయోగపడింది. తద్వారా ఆమె నేషనల్ క్రష్ కూడా అయిపోయింది. మొదటి భాగంలో రష్మిక మందనకి మంచి స్క్రీన్ టైమ్ లభించింది.
అలాగే పుష్ప శ్రీవల్లి పాత్రల మధ్య లవ్ ట్రాక్ కూడా సినిమా హిట్ కావడానికి కొంత దోహద పడింది. ఒకానొక దశలో పుష్ప రిలీజ్ అయిన తర్వాత రష్మిక మందన్నను ఆమె పేరుతో కాకుండా శ్రీవల్లి అని కొందరు గుర్తుపెట్టుకున్నారు అంటే ఆమెకు ఆ పాత్ర ఎంత క్రేజ్ తీసుకొచ్చిందో ప్రత్యేకంగా చెప్పాల్సిన అవసరం లేదు. ముఖ్యంగా ఈ సినిమాలో అల్లు అర్జున్ రష్మిక మందన మధ్య వచ్చిన సాంగ్స్, వారిద్దరి మధ్య వచ్చిన ఎమోషనల్ సీన్స్ కూడా సినిమాకి బాగా ప్లస్ అయ్యాయి.
మరి ముఖ్యంగా శ్రీవల్లి సాంగ్ ఎంత పెద్ద హిట్ అయిందో సినిమాకి ఎంత బాగా కలిసి వచ్చిందో కూడా అందరికీ తెలుసు. అయితే ఇప్పుడు రెండో భాగంలో రష్మిక పాత్ర చాలా చిన్నగా ఉంటుందని ఆమె స్క్రీన్ టైం కూడా చాలా తక్కువగా ఉంటుందనే ప్రచారం జరుగుతోంది. మిగతా పాత్రలు అంటే ఫహాద్ ఫాజిల్ తర్వాత రెండో భాగం కోసం డిజైన్ చేసిన మరో విలన్ ఇలా కొత్త పాత్రల ఎంట్రీతో రష్మిక పాత్ర చాలా పరిమితంగా ఉంటుందని అంటున్నారు. అయితే ఇందులో నిజా నిజాలు ఎంత వరకు ఉన్నాయనేది తెలియాల్సి ఉంది. ఎందుకంటే గతంలో రష్మిక పాత్ర చనిపోతుందని కాదు రష్మిక పాత్ర మెయిన్ విలన్ అని ఇలా రకరకాల ప్రచారాలు తెరమీదకు వచ్చినప్పుడు నిర్మాణ సంస్థ మైత్రీ మూవీ మేకర్స్ దాన్ని ఖండిస్తూ వచ్చింది.
ఈ నేపథ్యంలో ఈసారి జరుగుతున్న ప్రచారంలో నిజం ఎంత ఉంది అనేది తెలియాల్సి ఉంది. అయితే మొదటి భాగంతో వచ్చిన క్రేజ్ ద్వారా బాలీవుడ్ లో పాగా వేయాలని రష్మిక మందన చేసిన ప్రయత్నాలు మాత్రం ఫలించలేదు. ఇప్పటికే ఆమె చేసిన పలు సినిమాలు హిందీలో విడుదలైనా పెద్దగా ప్రభావం చూపించ లేదు. ఆమెకు స్టార్ గా పెద్దగా గుర్తింపు తీసుకురాలేదు, ఇలాంటి తరుణంలో పుష్ప 2లో కూడా చాలా తక్కువ స్క్రీన్ స్పేస్ లభిస్తే మాత్రం అది ఇబ్బందికరమైన అంశం అనే చెప్పాలి.
Also Read: Rashmika Mandanna : ఐదేళ్లలో ఐదు చోట్ల ఐదు బంగ్లాలు కొన్న రష్మిక.. అసలు విషయం ఏంటంటే?
Also Read: VBVK postponed: వాయిదా పడిన 'విష్ణు కధ'.. త్యాగమా? సెంటిమెంటా?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter, Facebook
