Virupaksha Team Requests viewers not give away spoilers: రిపబ్లిక్ సినిమాతో చివరిసారిగా ప్రేక్షకుల ముందుకు వచ్చిన సాయిధరమ్ తేజ్ ఈరోజు విరూపాక్ష అనే సినిమాతో ప్రేక్షకుల ముందుకు వచ్చాడు. సాయిధరమ్ తేజ్ కెరియర్లో మొట్టమొదటి పాన్ ఇండియా మూవీగా ఈ సినిమా రూపొందింది. అయితే ప్రస్తుతానికి తెలుగు వెర్షన్ మాత్రమే రిలీజ్ చేశారు. హిందీ, తమిళ, కన్నడ, మలయాళ వర్షన్స్ రిలీజ్ చేయలేదు. హారర్ థ్రిల్లర్ జోనర్ లో తెరకెక్కిన ఈ సినిమాకి సుకుమార్ స్క్రీన్ ప్లే అందించారు.
సుకుమార్ శిష్యుడు కార్తీక్ వర్మ దండు డైరెక్టర్ గా వ్యవహరించిన ఈ సినిమాని శ్రీ వెంకటేశ్వర సినీ క్రియేషన్స్ బ్యానర్ మీద భోగవల్లి ప్రసాద్ నిర్మించగా ఆయన కుమారుడు భోగవల్లి బాపినీడు సమర్పించారు. సుకుమార్ రైటింగ్స్ సంస్థ కూడా ఈ సినిమాని సహ నిర్మించింది. సాయి ధరంతేజ్ హీరోగా నటించిన ఈ సినిమాలో సంయుక్త మీనన్ హీరోయిన్గా నటించింది. ముందు నుంచి ఈ సినిమా హారర్ థ్రిల్లర్ అని చెబుతూనే వస్తున్నా ఈ సినిమాలో క్లైమాక్స్ అలాగే కొన్ని ట్విస్టులు ఊహించని విధంగా ఉన్నాయి.
Also Read: Virupaksha Movie Review: హారర్ థ్రిల్లర్ 'విరూపాక్ష' ఎలా ఉందో రివ్యూలో చూసేయండి!
అయితే అవి సినిమా చూస్తేనే కిక్కు. కానీ సినిమా చూసిన కొందరు ఆ ట్విస్టులు, క్లైమాక్స్ ట్విస్ట్ ని సోషల్ మీడియాలో షేర్ చేస్తున్న నేపథ్యంలో సినిమా యూనిట్ ఒక అభ్యర్థనను సోషల్ మీడియాలో షేర్ చేసింది. ఈ సినిమాకు సంబంధించి ఎలాంటి ట్విస్ట్ లు, కీలక విషయాలను బయట పెట్టవద్దని ఎవరైనా సినిమా గురించి అడిగితే సినిమా చూడమని సలహా ఇవ్వమంటూ కామెంట్ చేసింది.
ఇక ఈ సినిమాకు మంచి పాజిటివ్ టాక్ వస్తున్న నేపథ్యంలో సినిమా దర్శకుడు కార్తీక్ వర్మ, సాయిధరమ్ తేజ్ ఇద్దరు ధియేటర్ల చుట్టూ తిరుగుతున్నారు. ఈ క్రమంలో హైదరాబాదులోని సంధ్య థియేటర్లో వీరిద్దరూ ఆనందంతో ఆలింగనం చేసుకుని ఒకరికొకరు ముద్దులు పెట్టుకుంటున్న వీడియో కూడా సోషల్ మీడియాలో వైరల్ అవుతుంది.
ఇక మరో పక్క ఈ సినిమాకి మంచి పాజిటివ్ టాక్ రావడంతో సాయిధరమ్ తేజ్ మేనమామ మెగాస్టార్ చిరంజీవి, సాయి ధరంతేజ్ ని అభినందిస్తూ సినిమాతో హిట్టు కొట్టినందుకు శుభాకాంక్షలు తెలుపుతూ ట్వీట్ చేశారు. రెండేళ్ల నిరీక్షణకు ఫలితం దక్కిందని విరూపాక్ష లాంటి సినిమాతో మంచి కం బ్యాక్ ఇచ్చావని మేనల్లుడు మీద ప్రశంసల వర్షం కురిపిస్తూనే తన భార్య సురేఖ సాయి ధరంతేజ్ కి కేక్ తినిపిస్తున్న ఫోటోని సైతం షేర్ చేశారు.
Also Read: Brahmanandam: నిధులు మింగేసి వడ్డీలకు తిప్పిన బ్రహ్మానందం.. కలకలం రేపిన కాంట్రవర్సీ గురించి తెలుసా?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook
