Suryapet Murder Case Updates: సూర్యాపేట పరువు హత్య కేసులో ఊహించని విషయాలు వెలుగులోకి వస్తున్నాయి. కులాంతర ప్రేమ వివాహమే హత్యకు కారణం కాగా.. వడ్లకొండ కృష్ణ హత్యలో ఆరుగురు పాల్గొన్నట్లు తెలుస్తోంది. పోలీసులు ఈ ఆరుగురిని అదుపులోకి తీసుకుని విచారిస్తున్నట్లు సమాచారం. పిల్లలమర్రికి చెందిన స్నేహితుడి నవీన్ సోదరి భార్గవిని కృష్ణ ప్రేమించాడు. భార్గవి ప్రేమ విషయం తల్లిదండ్రులకు చెప్పటంతో వారు దానికి ఒప్పుకోలేదు. దీంతో కృష్ణ, భార్గవి గత ఏడాది ఆగస్టులో ప్రేమ వివాహం చేసుకున్నారు. కృష్ణ సూర్యాపేటలోనే రియల్ ఎస్టేట్ వ్యాపారం చేసుకుంటూ భార్గవితో కలిసి ఉంటున్నాడు.
ఈ క్రమంలోనే నవీన్ హత్యకు ప్లాన్ వేశాడు. అందుకు బైరు మహేష్‌తో పాటు నల్గొండకు చెందిన మరో యువకుడి సాయం చేశారు. ప్లాన్ ప్రకారం.. కృష్ణతో మహేష్ స్నేహం చేస్తున్నట్లు నటించి కొన్ని సెటిల్‌మెంట్స్ చేశాడు. వచ్చిన డబ్బుల్లో కృష్ణకు వాటా ఇచ్చి నమ్మకంగా ఉంటునే.. వెన్నుపోటు పొడిచాడు. ఆదివారం రాత్రి కృష్ణకు ఫోన్ చేసి పిలిపించుకుని హత్య చేశారు. భార్గవి మహేష్‌కు రాత్రి 11 గంటలకు ఫోన్ చేయగా లిప్ట్ చేయలేదు. సోమవారం ఉదయం కెనాల్ కట్టపై మృతదేహాన్ని చూసిన స్థానికులు పోలీసులకు సమాచారం ఇచ్చారు. మృతుడి మెడకు ఉరి వేసి చంపినట్లుగా గుర్తులు, ఒంటిపై గాయాలు ఉన్నట్లు పోలీసులు గుర్తించారు. కృష్ణకు ఉరేసి హత్య చేసిన దుండగులు, మృతదేహాన్ని కారులో తీసుకొచ్చి పడేసి అక్కడి నుంచి పరారయ్యారు.
ఈ హత్య వెనుక భార్గవి నాన్నమ్మ బుచ్చమ్మ పేరు కూడా తెరపైకి వచ్చింది. మొదటి నుంచి మనవరాలు ప్రేమ వివాహాన్ని ఆమె వ్యతిరేకిస్తున్నారు. పెళ్లి జరిగినప్పటి నుంచి ఇంట్లో సూటిపోటి మాటలతో కొడుకు, మనవడు నవీన్‌ను రెచ్చిగొట్టినట్లు తెలుస్తోంది. పెళ్లి చేసుకుని వెళ్లిపోతే ముద్ద ఎలా దిగుతుందిరా.. అంటూ నిత్యం తిట్ల పురాణం పెడుతున్నట్లు సమాచారం. దీంతో నాన్నమ్మ కళ్లలో ఆనందం చూసేందుకు కృష్ణను హత్య చేసి.. కారులో మృతదేహాన్ని తీసుకువచ్చినట్లు చూపించి ఆమెను సంతృప్తి పరిచినట్లు తెలిసింది. ఆ తరువాత నల్గొండలో ఉన్న మరో మిత్రుడికి మృతదేహాన్ని చూపేందుకు వెళ్లారు. మొదట నల్గొండలోనే వదిలివేయాలని అనుకున్నా.. అక్కడ కుదకరపోవడంతో సూర్యాపేటకు తీసుకొచ్చి జనగామ రోడ్డులో ఉన్న మూసీ కాలువ కట్టపై వదిలివేశారు. ఇలా రాత్రి మొత్తం కారులో మృతదేహంతో తిరిగారు.
Also Read: చిరంజీవి, కీర్తి సురేష్ తల్లితో రొమాన్స్ చేసిన ఈ సినిమా తెలుసా..! అందులో మెగాస్టార్ విలన్..
Also Read: Prakash Raj Kumbha Mela: కుంభమేళాలో ప్రకాష్ రాజ్ పుణ్య స్నానాలు.. స్పందించిన నటుడు..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
