Sai Durga Tej: డిప్యూటీ సీఎంతో సాయి దుర్గా తేజ్‌ సంబరాలు.. భావోద్వేగంలో మామ అల్లుడు
180879 కొరియోగ్రాఫర్ రాణించిన రాఘవ లారెన్స్ సొంతంగా డైరెక్ట్ చేసుకుంటూ హీరోగా నటిస్తున్న హర్రర్‌, కామెడీ చిత్రాలు వరుస విజయాలను అందుకుంటున్న సంగతి తెలిసిందే. 2007లో ‘ముని’తో వచ్చిన లారెన్స్ తన నటనతో తెలుగు ప్రేక్షకులకు దగ్గరయ్యాడు. ఆ సినిమాతో మంచి విజయాన్ని అందుకున్నాడు. తర్వాత వచ్చిన ముని సీక్వెల్స్ కాంచన, కాంచన2 కూడా విజయవంతమయ్యాయి.
లారెన్స్ ఇప్పుడు ‘కాంచన 3(ముని 4)’లో బిజీగా ఉన్నాడు. ఈ సినిమాతో మరింత భయపెట్టేందుకు, నవ్వించేందుకు రెడీ అయ్యాడు. ఇందులో ఓవియా కథానాయిక. ‘బిగ్‌బాస్‌’లో గుర్తింపు తెచ్చుకున్న తర్వాత ఓవియా నటిస్తున్న మొదటి సినిమా ఇది. ప్రస్తుతం షూటింగ్ దశలో ఉన్న ఈ చిత్రాన్ని డిసెంబరు 21న క్రిస్మస్‌ కానుకగా విడుదల చేయాలని చిత్ర యూనిట్ భావిస్తోంది. ఈ సినిమాకి సంబంధించిన పూర్తి వివరాలను త్వరలో వెల్లడించనున్నారని తెలిసింది.
కాంచన3లో లారెన్స్, ఓవియాలతోపాటు వేదిక, కోవై సరళ, మనోబాలా, శ్రీమన్‌, దేవదర్షిణి తదితరులు నటిస్తుండగా.. తమన్‌ సంగీతం సమకూర్చారు. ఈ చిత్రాన్ని సన్‌ పిక్చర్స్‌ నిర్మిస్తోంది. ముని, కాంచన, కాంచన2 చిత్రాల మాదిరిగానే ఈ సినిమాలో కూడా కూడా హర్రర్‌, హాస్య సన్నివేశాలు ఉంటాయని మూవీ యూనిట్ చెబుతోంది.
మళ్లీ భయపెట్టేందుకు వస్తున్న లారెన్స్
