7th Pay Commission DA Hike Update: లోక్‌సభ ఎన్నికల ప్రక్రియ ముగిసిపోయింది. కేంద్రంలో మరోసారి ఎన్డీఏ ప్రభుత్వం అధికారంలోకి వచ్చింది. కొత్త ప్రభుత్వం ఏర్పడనున్న తరుణంలో కేంద్ర ప్రభుత్వ ఉద్యోగులు కూడా జీతాల పెంపుపై భారీ ఆశలు పెట్టుకున్నారు. బేసిక్ పేలో భారీ పెంపుదల ఉంటుందని ప్రచారం జరుగుతోంది.
ఈ ఏడాది కేంద్ర ప్రభుత్వ ఉద్యోగులకు మొదటి డీఏ 4 శాతం పెరిగింది. మార్చిలో పెంపు ప్రకటన రాగా.. జనవరి నెల నుంచి అమలులోకి వచ్చింది. దీంతో మొత్తం డీఏ 50 శాతానికి చేరింది.
ప్రస్తుతం రెండో డీఏ పెంపు ప్రకటన కోసం ఉద్యోగులు ఎదురుచూస్తున్నారు. బేసిక్ పేలో భారీ పెంపుదల ఉంటుందని నిపుణులు అంచనా వేస్తున్నారు.
డీఏ పెంపుతోపాటు ఇతర అలవెన్సుల పెంపులో కూడా మార్పులు ఉంటాయి. కేంద్ర ప్రభుత్వ ఉద్యోగుల శాలరీ గణనీయంగా పెరుగుతుంది. కొత్త పే కమిషన్ ఏర్పాటు చేసే ఛాన్స్ ఉందని అంటున్నారు.
కొత్త ప్రభుత్వం వచ్చేయడంతో డీఏ పెంపుపై ఇప్పటికే చర్చలు మొదలయ్యాయి. డీఏ 50 శాతానికి చేరడంతో జీరో నుంచి లెక్కిస్తారా..? 50 శాతానికే యాడ్ చేస్తారా..? అనేది ఆసక్తికరంగా మారింది.
ద్రవ్యోల్బణాన్ని లెక్కించే AICPI డేటా ఇంకా రిలీజ్ కాలేదు. మే 31న విడుదల చేయాల్సి ఉండగా ఆలస్యమైంది.
ఈ డేటాను జూన్ నెలాఖరున విడుదల చేసే అవకాశం ఉందని నిపుణులు అంచనా వేస్తున్నారు.
ఇక్కడ అందజేసిన సమాచారం.. కేవలం ఉద్యోగులకు అప్‌డేట్ ఇవ్వడానికి మాత్రమే రాసినది. శాలరీ లేదా అలవెన్సుల పెంపుదలకు ఎలాంటి హామీ ఇవ్వడం లేదు. కచ్చితమైన సమాచారం కోసం ప్రభుత్వ వెబ్‌సైట్‌ను చెక్ చేయండి.
