Pooja Hegde Marriage Rumours: ఒక లైలా కోసం మూవీతో తెలుగు తెరకు పరిచయమై.. ఎన్నో సూపర్ హిట్ సినిమాలతో టాప్ హీరోయిన్‌గా ఎదిగింది. అయితే ప్రస్తుతం బాలీవుడ్‌పై దృష్టి పెట్టిన ఈ భామ.. వరుసగా చిత్రాలతో అలరించేందుకు సిద్ధమవుతోంది. షాహిద్ కపూర్‌తో జంటగా నటించిన దేవ మూవీ శుక్రవారం ఆడియన్స్ ముందుకు వచ్చింది. సినిమాల విషయం పక్కనబెడితే.. ఈ బ్యూటీ స్టార్ క్రికెటర్‌తో ప్రేమలో పడినట్లు రూమర్లు వస్తున్నాయి.
స్టార్ క్రికెటర్‌తో పూజా హెగ్డే ప్రేమలో ఉందని.. త్వరలోనే చేసుకోబోనుందని ప్రచారం జరుగుతోంది. ఈ వార్తలో వాస్తవం ఎంతో తెలీదు గానీ.. ఆ క్రికెటర్ పేరు మాత్రం తెరపైకి రాలేదు. ఈ రూమర్స్ గతం నుంచి ఉన్నా.. మరోసారి వైరల్ అవుతున్నాయి.
దేవ మూవీ రిలీజ్ సందర్భంగా ఈ టాలీవుడ్ భామ.. తన సినీ ప్రయాణాన్ని గుర్తు చేసుకుంది. సౌత్‌తోపాటు హిందీలో వరుసగా అవకాశాలు వస్తున్నాయని.. రెండు ఇండస్ట్రీలను బ్యాలెన్స్ చేయడం కొంచెం కష్టంగానే ఉందని చెప్పుకొచ్చింది.
తన కెరీర్‌ ప్రారంభంలోనే బాగానే సాగిందని.. ప్రస్తుతం కొంచెం హెచ్చుతగ్గులతో సాగుతోందని చెప్పింది బుట్టబొమ్మ. తాను సినీ కుటుంబం నుంచి రాలేదు కాబట్టి.. తనకు ప్రతిదీ ఒక అద్భుతమేనని తెలిపింది.
తాను తొలి రోజు ఎలాంటి అనుభుతి చెందానో.. ఇప్పుడు అలాంటి ఫీలింగ్‌తోనే ఉంటానంది. తాను సినిమాలతో ఎక్కువగా ప్రేమలో పడ్డాననిపిస్తోందని చెప్పింది.
తాను ఎప్పుడు డిఫరెంట్ రోల్స్ పోషించాలని అనుకుంటానని.. అందుకే దేవా కథ రాగానే గ్రీన్ సిగ్నల్ ఇచ్చినట్లు తెలిపింది. యాక్షన్ థ్రిల్లర్ మూవీ అని.. తాను జర్నలిస్ట్ రోల్ పోషించినట్లు పేర్కొంది.
అనుకోకుండా తాను సినీ ఇండస్ట్రీకి వచ్చానని.. దాదాపు దశాబ్ద కాలం గడిచిపోయిందని చెప్పింది. తాను చాలా దూరం వచ్చానని.. ఇంకా ప్రయాణించాల్సింది ఉందని చెప్పుకొచ్చింది.
అయితే సినీ ప్రయాణం గురించి చెప్పిన బుట్టబొమ్మ.. పెళ్లి విషయం గురించి మాత్రం చెప్పలేదు. గుడ్‌న్యూస్ కోసం ఫ్యాన్స్ వెయిట్ చేస్తున్నారు.
