These Actors Eligible To Host Bigg Boss Here List: ప్రేక్షకులకు అత్యంత వినోదం అందిస్తున్న బిగ్బాస్ షోకు హోస్ట్‌ ఎవరు అవుతారనేది ఆసక్తికర చర్చ జరుగుతోంది. కొన్నేళ్లుగా హోస్ట్‌ చేస్తున్న నటుడు విరామం ప్రకటించడంతో తదుపరి ఎవరు హోస్ట్‌గా ఎంపికవుతారని చర్చ జరుగుతుండగా ఐదుగురి పేర్లు జాబితాలోకి వచ్చాయి. వారెవరో తెలుసా?
బిగ్బాస్ కన్నడ అక్కడి ప్రేక్షకులను విపరీతంగా ఆకట్టుకుంది. కొన్నేళ్లుగా ఈ షోకు హోస్ట్‌గా వ్యవహరిస్తున్న కిచ్చా సుదీప్‌ విరామం ప్రకటించిన విషయం తెలిసిందే. తాజాగా హోస్ట్‌గా ఐదుగురి పేర్లు బయటకు వచ్చాయి.
బిగ్బాస్ హోస్ట్‌గా ఐదుగురు పేర్లు జాబితాలోకి వచ్చాయి. వారిలో రమేశ్‌ అరవింద్, డాక్టర్‌ శివరాజ్ కుమార్, రియల్ స్టార్ ఉపేంద్ర, రాకింగ్ స్టార్ యశ్‌, డివైన్ స్టార్ రిషబ్ శెట్టి ఉన్నారు.
వీకెండ్ విత్ రమేశ్‌ షోకి రమేశ్‌ అరవింద్ హోస్ట్‌గా వ్యవహరించారు. హోస్ట్‌గా అనుభవంగా ఉండడంతో బిగ్‌బాస్‌కు ఎంపికవుతారని తెలుస్తోంది. అయితే బిగ్బాస్ హోస్ట్‌ అంశంపై ప్రస్తావనకు రాగా.. 'నాకు అలాంటి ఆఫర్ ఏదీ రాలేదు. దాని గురించి చర్చ జరగలేదు.. నా దారి వేరు’ అని అరవింద్ రమేశ్‌ తెలిపారు. ఈయన ప్రకటనతో బిగ్బాస్ హోస్ట్‌గా వ్యవహరిస్తారా లేదా? అనేది ఆసక్తికరంగా మారింది.
హోస్ట్‌గా వినిపిస్తున్న పేరులో రెండోది శివన్న. శివరాజ్ కుమార్ హోస్ట్‌ అయితే బిగ్‌బాస్‌పై ఆసక్తి పెరుగుతుంది. కానీ ఆయన అనారోగ్య సమస్యలతో ప్రస్తుతం కోలుకుంటున్నాడు. ఈ సమయంలో బిగ్‌బాస్‌కు హోస్ట్‌ అంటే కొంచెం కష్టమే అనే వార్తలు వస్తున్నాయి.
హోస్ట్‌గా వినిపిస్తున్న మరో నటుడి పేరు ఉపేంద్ర. మాటలతో మాయ చేసే ఉప్పి బిగ్బాస్ షోకి హోస్ట్‌గా వ్యవహరిస్తే బాగుంటుందనే చర్చ జరుగుతోంది. ఉపేంద్రకు అవకాశం లభిస్తుందా? లేదా అనేది తేలాల్సి ఉంది.
కిచ్చా సుదీప్‌ మాదిరి 'కేజీఎఫ్‌' నటుడు యశ్‌ సరదాగా ఉంటాడు. మాటకారి అయిన యశ్‌ బిగ్‌బాస్‌కి హోస్ట్‌గా మారే అవకాశం ఉందనే ప్రచారం జరుగుతోంది. ప్రస్తుతం సిక్కాపట్టే సినిమాతో యశ్‌ బిజీగా ఉన్నాడు. వరుస సినిమాలతో బిజీగా ఉన్న యశ్‌ బిగ్‌బాస్‌కు హోస్ట్‌గా వ్యవహరించడం సందేహంగా ఉంది.
'కాంతారా' ఫేమ్‌ రిషబ్ శెట్టి పేరు కూడా హోస్ట్‌గా వినిపిస్తోంది. ఇప్పటికే రిషబ్‌కు బిగ్బాస్ యాజమాన్యం నుంచి ప్రతిపాదన వచ్చినట్లు తెలుస్తోంది. అయితే కాంతారా 2 షూటింగ్ ఉండడంతో బిగ్‌బాస్‌కు అంగీకరించలేదని వార్తలు వస్తున్నాయి. సుదీప్‌ వైదొలగడంతో అతడి స్థానంలో తదుపరి సీజన్‌కు రిషబ్ హోస్ట్‌గా వ్యవహరించే అవకాశం ఉంది.
