Pawan Kalyan Tour: ఆంధ్ర ప్రదేశ్ ఉప ముఖ్యమంత్రి పవన్ కళ్యాణ్ ఢిల్లీలో బిజీ బిజీగా ఉన్నారు. ఇప్పటికే మహారాష్ట్రలో బీజేపీ తరుపున ఎన్నికల ప్రచారం నిర్వహించిన పవన్ కళ్యాణ్.. ఆ తర్వాత కేంద్ర పెద్దల సూచనలతో త్వరలో ఢిల్లీలో ప్రచారం చేయనున్నట్టు వార్తలు వస్తున్నాయి. ఈ నేపథ్యంలో పవన్ కళ్యాణ్.. పలువురు కేంద్ర మంత్రులను కలవనున్నారు.
Pawan Kalyan Tour:ఢిల్లీ పర్యటనలో ఏపీ డిప్యూటీ సీఎం పవన్‌కల్యాణ్‌ బిజీ బిజీగా గడపనున్నారు. అంతేకాదు కాసేట్లో కేంద్ర మంత్రి గజేంద్ర సింగ్ తో పవన్ భేటి కానున్నారు. అంతేకాదు ఏపీకి సంబంధించిన పలు అంశాలపై చర్చించున్నారు.
మరోవైపు కేంద్ర జలశక్తి మంత్రి తో కలిసి ఏపీలోని పలు అంశాలపై చర్చించున్నారు. అంతకాదు పోలవరంతో పాటు ఏపీలో ప్రతి ఇంటికి కొలాయి వంటి వాటి గురించి చర్చించనున్నారు. అంతేకాదు ప్రతి నీటి బొట్టును ఒడిసి పట్టే విధానాలపై చర్చించనున్నారు.
మధ్యాహ్నం 3 గంటల 15 నిమిషాలకు కేంద్ర ఆర్ధిక మంత్రి నిర్మలా సీతారామన్ తో భేటి కానున్నారు. ఏపీ ఆర్ధిక లోటును పూడ్చడంతో పాటు రాష్ట్రానికి రావాల్సని నిధుల గురించి చర్చించే అవకాశం ఉంది.
సాయంత్రం 4:30 గంటలకు రైల్వేశాఖ మంత్రి అశ్వినివైష్ణవ్‌తో భేటి కానున్నారు. ముఖ్యంగా అమరావతికి రైల్వై లైన్ నిర్మాణంతో పాటు ఏపీలో పలు లెవల్ క్రాసింగ్స్ వద్ద రైల్వే ఓవర్ బ్రిడ్డిల నిర్మాణంతో పాటు అండర్ పాస్ లు నిర్మించే విషయమై చర్చించనున్నారు. అంతేకాదు ఏపీకి బుల్లెట్ రైల్ వ్యవహారంపై కూడా ఈ భేటిలో ప్రస్తావించనున్నట్టు సమాచారం.
సా.5:15 గంటలకి లలన్ సింగ్‌తో పవన్‌కల్యాణ్‌ సమావేశం... ఏపీకి సంబంధించిన పలు కీలక అంశాలను ఆయన వద్ద ప్రస్తావించే అవకాశం ఉందని సమాచారం. మరోవైపు రేపు పార్లమెంట్ లో ప్రధాన మంత్రి నరేంద్ర మోడీతో పాటు కేంద్ర హోం మంత్రి అమిత్ షా తో పవన్ కళ్యాణ్ భేటి కానున్నారు. మహారాష్ట్రలో గెలుపు తర్వాత పవన్ కళ్యాణ్.. కేంద్ర పెద్దలతో సమావేశం కావడం రాజకీయ ప్రాధాన్యత ఏర్పడింది.
