AP Rain Alert: మరో రెండు వారాల్లో బంగాళాఖాతంలో మరో అల్పపీడనం ఏర్పడనుందని వాతావరణ శాఖ హెచ్చరించింది. ఈ రోజు కొన్ని జిల్లాల్లో మోస్తారు వర్షాలు కురిసే అవకాశం ఉందని హెచ్చరించింది. ఏపీఎస్‌డీఎంఏ ట్వీట్టర్ వేదికగా అలెర్ట్‌ చేసింది.
మరో అల్పపీడన ముప్పు ఆంధ్రప్రదేశ్‌కు ఉంది. బంగాళాఖాతంలో మరో పీడనం మరో వారంలో ఏర్పడుతుంది. దీని వల్ల జిల్లాల్లో భారీ వర్షాలు కురిసే అవకాశం ఉందని ఏపీఎస్‌డీఎంఏ ట్వీట్టర్ వేదికగా తెలియజేసింది.
గత నెలలో అల్పపీడనాలు ఏర్పడినాయి.దీనివల్ల ఏపీ, ఒడిశా, తమిళనాడు ప్రాంతాల్లో అతి భారీ వర్షాలు కురిసాయి. చెన్నై ప్రాంతం అతలాకుతలమైన సంగతి తెలిసిందే.
ఈ భారీ వర్షాల వల్ల ఏపీలో కూడా కొన్ని జిల్లాల్లో వరద నీరు ఇళ్లలోకి చేరాయి. చాలా మందిని సురక్షిత ప్రాంతాలకు తరలించారు. ప్రభుత్వం కొన్ని సహాయక చర్యలు చేపట్టారు.
ఈరోజు కూడా ముఖ్యంగా గుంటూరు, ఏలూరు, కృష్ణ, పల్నాడు జిల్లాల్లో మోస్తారు వర్షాలు కురిసే అవకాశం ఉందని ఏపీ వాతావరణ శాఖ తెలిపింది.
రాయలసీమలో తేలికపాటి వర్షాలు కురుస్తాయి. ముఖ్యంగా కాకినాడ, కోనసీమ, గోదావరి జిల్లాలు ప్రభావితం అవుతాయి. మరో అల్పపీడనం ఏర్పడినప్పుడు కూడా భారీ వర్షాలు కురుస్తాయని వాతవరణ శాఖ నిపుణులు హెచ్చరిస్తున్నారు.
