Warning Signs: శరీరంలో అంతర్గతంగా ఎదురయ్యే సమస్యలు వివిధ రూపాల్లో బయటపడుతుంటాయి. అందుకే ఏ లక్షణాలను నిర్లక్ష్యం చేయకూడదు. అలాంటిదే కాళ్లలో లేదా కాలి పాదాల్లో కన్పించే లక్షణాలు. ప్రమాదకరమైన వ్యాధికి సంకేతం కావచ్చు. ఈ లక్షణాలను సకాలంలో గుర్తించగలిగితే ఎలాంటి సమస్య ఉండదు.
Warning Signs: ముఖ్యంగా రక్తపోటు, మధుమేహం, గుండె వ్యాధులు, కిడ్నీ-లివర్ వ్యాధులకు కూడా కాళ్లలో లక్షణాలు కన్పించవచ్చు. అందుకే కాళ్లలో కన్పించే ఇలాంటి లక్షణాలను ఎప్పుడూ తేలిగ్గా తీసుకోకూడదు. తక్షణం వైద్యుని సంప్రదించాల్సి ఉంటుంది.
కాళ్ల వాపు కాళ్లు లేదా పాదాల్లో ఏ విధమైన గాయం లేకుండానే వాపు కన్పిస్తుంటుంది. ఇలా తరచూ కన్పిస్తే అలక్ష్యం చేయకూడదు. ఇది గుండె వ్యాధికి ప్రారంభ లక్షణం కావచ్చు. గుండె రక్తాన్ని సరిగ్గా సరఫరా చేయలేకపోవడం వల్ల ఈ సమస్య రావచ్చు. శరీరంలో నీరు చేరుతుంది. దాంతో కాళ్లలో వాపు ఉంటుంది. దీనిని వైద్యపరంగా ఎడీమా అంటారు.
కాళ్లు తిమ్మిరి పట్టడం మీ కాళ్లలో తరచూ తిమ్మిరిగా ఉంటే తేలిగ్గా తీసుకోవద్దు. ఇది రక్త ప్రసరణ సరిగ్గా లేకపోవడం వల్ల కావచ్చు. డయాబెటిస్ కూడా కారణం కావచ్చు. డయాబెటిస్ లేకుండా ఇలా ఉంటే మాత్రం గుండె వ్యాధి కావచ్చు
గోర్లలో కన్పించే మార్పుు ఒకవేళ మీ కాలి గోర్ల దిగువన ఎర్రగా లేదా పర్పుల్ రంగులో చిన్న చిన్న గీతలు కన్పిస్తే బ్యాక్టీరియల్ ఎండూ కార్డైటిస్ అనే గుండె వ్యాధి కావచ్చు. ఇదొక సీరియస్ వ్యాధి. ఎట్టి పరిస్థితుల్లోనూ నిర్లక్ష్యం చేయకూడదు.
నడవడంలో ఇబ్బంది నడిచేటప్పుడు కాళ్లు నొప్పి వస్తుంటాయి. కాస్సేపు విశ్రాంతి తీసుకుంటే సెట్ అవుతుంది. దీనిని ఇంటర్ మిట్టెంట్ క్లాడికేషన్ అంటారు. కాలి కండరాల వరకు రక్తం సరిగ్గా సరఫరా కాకపోవడం వల్ల ఈ పరిస్థితి ఉంటుంది. వెంటనే వైద్యుని సంప్రదించాలి
కాలి పుండు లేదా అల్సర్ మీ కాలికి ఎలాంటి గాయం లేకుండా పుండు లేదా అల్సర్ వచ్చి త్వరగా తగ్గకపోతే ఇది పెరిఫెరల్ ఆర్టరీ డిసీజ్ కావచ్చు. ఈ వ్యాధి సోకితే రక్త నాళాలు సంకోచిస్తాయి. రక్త సరఫరా ఆటంకం కలుగుతుంది. తక్షణం చికిత్స చేయించాల్సి ఉంటుంది. గాంగ్రిన్ వంటి సమస్య వస్తే కాలు తొలగించాల్సిన పరిస్థితి
కాళ్లు చల్లబడటం, రంగు మారడం మీ కాళ్లు ఒకవేళ చల్లబడితే లేదా నీలం, వంకాయ రంగుల్లో మారితే కచ్చితంగా ఆందోళన చెందాల్సిన అంశమే. సయానోసిస్ లక్షణం ఇది. శరీరంలో ఆక్సిజన్ లోపం సంకేతం కావచ్చు. రక్త నాళాల్లో ఆటంకం కలిగినప్పుడు ఈ సమస్య ఉత్పన్నమౌతుంది. కాళ్ల వరకూ రక్తం సరిగ్గా సరఫరా కాదు. ఇది హార్ట్ ఎటాక్, బ్లడ్ క్లాటింగ్ వంటి సమస్యలకు దారితీస్తుంది.
