Lamborghini Free With Luxury Villa: లగ్జరీ విల్లా కొనే వారికి బంపర్‌ ఆఫర్ ప్రకటించింది ఓ రియల్‌ ఎస్టేట్‌ కంపెనీ. ఈ కళ్లు చెదిరే ఆఫర్ మీరు కనీవినీ ఎరుగరు. తమ రియల్‌ ఎస్టేట్‌ సంస్థలో విల్లా కొన్నవారికి ఏకంగా లంబోర్గిని కారునే ఉచితంగా ప్రకటించింది. ఈ సంస్థ సోషల్‌ మీడియా వేదికగా ఈ ఆఫర్ ప్రకటించింది.
నోయిడాలోని జేపీ గ్రీన్‌ రియల్‌ ఎస్టేట్‌ సంస్థ తమ వద్ద విల్లా కొన్నవారికి వినూత్న ఆఫర్‌ను ప్రకటించింది. ఈ సంస్థ 2 BHK, 3 BHK, 5 BHK, 6BHK లగ్జరీ విల్లాలను విక్రయిస్తుంది. ఎప్పుడూ సాధారణంగా మాములు యాడ్‌ ఇచ్చి విక్రయించుకుండా ఓ వినూత్న ఆలోచన చేసింది.
ప్రస్తుతం ఈ జేపీ గ్రీన్స్‌ రియల్‌ సంస్థ పోస్ట్‌ నెట్టింట వైరల్‌ అవుతుంది. ఈ రియల్‌ ఎస్టేట్‌లో ఓ విల్లా కొంటే చాలు ఏకంగా లంబోర్గిని ఫ్రీగా ఇస్తాము అంటోంది. అంటే ఇల్లు కొంటే కారు కూడా ఫ్రీ. ఈ విల్లాలు రూ.51 లక్షల నుంచి రూ.30 కోట్ల వరకు విల్లాలను విక్రయిస్తుంది.
అంతేకాదు ఇందులో గోల్ఫ్‌ కోర్స్‌, స్విమ్మింగ్‌, పార్కింగ్‌ సౌకర్యాలు కూడా పొందాలంటే అదనంగా రూ.50 లక్షలు చెల్లించాల్సి ఉంటుంది. తమ రియల్‌ సంస్థ విక్రయించే అల్ట్రా ప్రీమియం విల్లాను కొనుగోలు చేసిన వారికి ఈ లంబోర్గిని ఉరూస్‌ ఫ్రీగా అందిస్తోంది.
ఈ లగ్జరీ విల్లా ధర రూ.26 కోట్లు విలువ చేసే లగ్జరీ విల్లా కొంటే రూ.4 కోట్లు పైగా విలువ చేసే లంబోర్గినీ మీ సొంతం చేసుకోవచ్చు. ఈ ఆఫర్ ఇప్పుడు నెట్టింట రచ్చగా మారింది. కొంతమంది లగ్జరీ విల్లా కొంటే కారు కూడా ఫ్రీ అని ఆనంద పడితే, మరికొందరు ఇందులో ఏదో జిమ్మిక్కు అంది అని కామెంట్లు పెడుతున్నారు.
ఇక ఇంకొందరు లగ్జరీ విల్లా ధరలోనే కారు డబ్బులు కూడా చేర్చారు. అది కాకుండా మరో 50 శాతం వరకు లాభం వస్తుందని కామెంట్లు పెడుతున్నారు. మరొకరైతే 'అమేజింగ్‌ నైబర్‌హుడ్‌' అందరికీ సేమ్‌ విల్లా.. సేమ్‌ కార్‌ అన్నీ ప్రీమియం ధరలోనే అని పెట్టారు.
