Saffron Benefits: కేసరి లేదా కుంకుమ అత్యంత ఖరీదైంది. అంతే విలువైంది కూడా. ఆరోగ్యానికి చాలా అద్భుతమైందే కానీ ఖరీదు ఎక్కువ కావడంతో అందరూ కొనలేని పరిస్థితి ఉంటుంది. ఆరోగ్యపరంగా చాలా మంచిది. అద్భుతమైన లాభాలు కలుగుతాయి.
Saffron Benefits: ప్రపంచంలో అత్యధికంగా కుంకుమ పండించేది ఇరాన్ దేశంలో. ఆ తరువాత ఆఫ్ఘనిస్తాన్‌లో, తరువాత కశ్మీర్‌లో. కుంకుమ స్వభావం వేడి కావడంతో పాలతో కలిపి సేవిస్తుంటారు. కుంకుమతో చాలా రకాల ఆరోగ్య ప్రయోజనాలున్నాయి.
డిప్రెషన్ దూరం కుంకుమలో ఉండే కొన్ని రకాల పోషకాలు సెరిటోనిన్ వంటి న్యూరో ట్రాన్స్ మిట్టర్లను రెగ్యులేట్ చేస్తాయి. ఫలితంగా డిప్రెషన్ దూరమౌతుంది. మూడ్ బాగుంటుంది.
మధుమేహం నియంత్రణ మధుమేహం నియంత్రించేందుకు కుంకుమ అద్భుతంగా ఉపయోగపడుతుందని ప్రపంచంలోని వివిధ అధ్యయనాల్లో రుజువైంది. కుంకుమ సేవించడం వల్ల బ్లడ్ షుగర్ లెవెల్స్ నియంత్రణలో ఉంటాయి. ముఖ్యంగా ఇన్సులిన్ సెన్సిటివిటీ పెరుగుతుంది.
ఇమ్యూనిటీ బూస్ట్ కుంకుమలో ఉండే వివిధ రకాల పోషకాలు రోగ నిరోధక శక్తిని పెంచేందుకు దోహదం చేస్తాయి. విటమిన్ సి, యాంటీ ఆక్సిడెంట్లు వివిధ రకాల వ్యాధుల్నించి కాపాడుతాయి.
జ్ఞాపకశక్తి మెరుగుదల కుంకుమ సహాయంతో జ్ఞాపకశక్తిని పెంచుకోవచ్చు. తరచూ మర్చిపోయే అలవాటుండేవాళ్లు కుంకుమ తప్పకుండా సేవించాలి. దీనివల్ల జ్ఞాపకశక్తి పెరుగుతుంది. అర్జీమర్స్ వంటి వ్యాధులకు ఇది అద్భుతంగా ఉపయోగపడుతుంది.
కుంకుమతో కంటికి ప్రయోజనం కుంకుమలో యాంటీ ఆక్సిడెంట్లు ఉంటాయి. ఇవి రెటీనాను రక్షించడంలో దోహదపడతాయి. కళ్లను ఆరోగ్యంగా ఉంచుతుంది. మ్యాక్యులర్ డీజనరేషన్, కేటరాక్ట్ వంటి కంటి సమస్యల్నించి కుంకుమ కాపాడుతుంది.
